वीरगंज, १७ चैत ।
संघिय समाजवादी फोरम नेपालको भातृ संगठन समाजवादी युवा फोरम नेपालको राष्ट्रिय सम्मेलन बैशाख २० र २१ गते प्रदेश नं. ५ को रुपन्देहि, भैरहवामा हुने भएको छ । समावजादी युवा फोरम नेपालको केन्द्रिय समितिको वीरगंजमा बसेको सातौँ बैठकले राष्ट्रिय सम्मेलन गर्ने निर्णय गरेको युवा फोरमका केन्द्रिय संयोजक अनिल कुमार ठाकुरले वताए ।
मकालु होटल वीरगंजमा युवा फोरमको केन्द्रिय समितिले आयोजना गरेको पत्रकार सम्मेलनमा वोल्दै संयोजक ठाकुरले राष्ट्रिय सम्मेलनको लागि मूल आयोजक समिति र ७ वटा उप समितिहरुको गठन समेत भएको वताए ।
सम्मेलन सफल बनाउन संयोक ठाकुरको संयोजकत्वमा विद्यान मस्यौदा उप समिति, असलम खानको संयोजकत्वमा भोजन तथा आवास व्यवस्थापन उप समिति, धनन्जय सिंहको संयोजकत्वमा प्रचार प्रसार उप समिति, संजिव कुमार यादवको संयोजकत्वमा आर्थिक उप समिति, विद्या यादवको संयोजत्वमा मंच व्यवस्थापन उपसमिति, हेमन्त राईको संयोजकत्मा स्वयंसेवक परिचालन उप समिति र मनकला लिम्बुको संयोजत्वमा अतिथी सत्कार उप समिति गठन भएको छ ।
