वीरगन्ज : पर्सा प्रहरीले वीरगञ्जबाट अबैध लागु औषधसहित एक जनालाई नियन्त्रणमा लिएको छ । लागू औषध एक किलोग्राम अफिम सहित पर्साको जगरनाथपुर गाउँपालिका ४ का बसी मियाँ पक्राउ परेका हुन् ।
जिल्ला प्रहरी कार्यालय पर्सा र लागूऔषध नियन्त्रण कार्यालय व्युरो पर्साबाट खटिएको टोलीले वीरगञ्ज महानगरपालिका १४, गण्डकबाट उनलाई नियन्त्रणमा लिएको प्रहरीले जनाएको छ ।
नेपालबाट भारतको रक्सौलतर्फ पैदल जाँदै गरेका उनलाई लागू औषध सहित नियन्त्रणमा लिएको जिल्ला प्रहरी कार्यालय पर्साले जनाएको छ ।
मियाँलाई जिल्ला प्रहरी कार्यालय पर्सामा राखेर आवश्यक अनुसन्धान भइरहेको प्रहरी कार्यालयले जनाएको छ ।
