वीरगन्ज, ६ चैत ।
पर्साको पोखरिया-वीरगन्ज सडक खण्डमा आज रक्सी खाएर मोटरसाइकल चलाउने एक जना सवारी दुर्घटनामा परेका छन । पोखरिया नगरपालिकाको बैरिया चोकमा पुलको भित्तामा मोटरसाइकल ठोकिदा पकहा मैनपुर गाउँपालिका वडा नं. ४, लहावरथकरीका फलु रहमानका छोरा २५ बर्षिय जयाहुल हक गम्भीर घाइते भएका छन ।
वीरगन्जबाट ना ५१ प ४९३१ नम्बरको मोटरसाइकलले पोखरिया तर्फ जदै गरेका उनका मोटरसाइकल पुलको भित्तामा ठोकिदा गम्भीर घाइते भएको इलाका प्रहरी कार्यालय पोखरियाका प्रहरी निरीक्षक मछिन्द्र केसिले वताए । रक्सी सेवन गरि मोटरसाइकल चलाउदा उनी दुर्घटनामा परेको प्रहरीले जनाएको छ ।
गम्भीर घाइते हकको टाउकोमा गम्भीर चोट लागेको र नारायणी अस्पताल वीरगन्जमा उपचार भईरहेको छ ।
