प्रहरी र विप्लव समुहका कार्यकर्ताबीच काभ्रेमा गोली हानाहान

काठमाडौं ५ चैत ।
प्रहरी र विप्लव समुहका कार्यकर्ताबीच काभ्रेमा गोली हानाहान भएको छ ।गोली हानाहानवाट कुनै मानवीय क्षती नभएको र प्रहरीले विप्लव समुहका दुईजना कार्यकर्तालाई पक्राउ गरेको छ ।
रोची गाउँपालिका स्थित बिपी राजमार्ग आसपासमा भएको मुठभेडपछि विप्लव समुहको गतिबिधि सो क्षेत्रमा रहेको भन्ने आशंका भएको अपराध अनुसन्धान महाशाखा टेकुबाट सोमेन्द्र सिंह राठौरको नेतृत्व टोली त्यसतर्फ गएको थियो ।
सो क्षेत्र तर्फ प्रहरीलाई देख्नेबित्तिकै विप्लव समुहका कार्यकर्ताले फायरिङ गरेपछि जवाफी फायरिङ गर्नुपरेको एसपी केदार ढकालले जानकारी दिनुभयो ।
२८ गते फागुनमा बसेको मन्त्रिपरिषद्को बैठकले नेत्रविक्रम चन्द नेतृत्वको विप्लव समूहमाथि प्रतिबन्ध लगाएको र त्यसयता नेपाल प्रहरीले समूहका नेता कार्यकर्तालाई जहाँ भट्यो, त्यहीँ पक्राउ गर्ने नीति लिएको हो ।