बहुदरमाईमा एकल महिला तथा ज्येष्ठ नागरिक भात्ता वितरण

पर्सा, ३ चैत ।
पर्साको बहुदरमाई नगरपालिका वडा नम्बर ५, भौराटारमा एक कार्यक्रमका बिच आज एकल महिला र ज्येष्ठ नागरिकलाई ७ लाख १२ हजार भाता बितरण गरिएको छ । वडा अध्यक्ष रामेश्वर प्रसाद कानुको उपस्थितीमा मंसिर देखी फागुन सम्म ४ महिनाको भाता बितरण गरिएको हो ।

- Advertisement -

वडाका २८ जना एकल महिलालाई ४ हजारको दरले ४ महिनाको १ लाख १२ हजार र ७५ जना ज्येष्ठ नागरिकलाई ८ जहारको दरले ६ लाख रकम बितरण गरिएको वडा सचिव प्रमोद प्रसाद यादवले बताए ।

हिन्दुहरुको महान चाडपर्व होलीलाई मध्यनजर गरी एकल महिला र ज्येष्ठ नागरिकहरुलाई भात्ता बितरण गरिएको सचिव यादवले जानकारी गराए । भात्ता वितरणमा वडा सदस्यहरु, गाउँका भद्रभलादमी लगायतकाको पनि सहभागीता रहेको थियो ।