पर्सा, ३ चैत ।
ईलाका प्रहरी कार्यालय पोखरीयाले भारतबाट भंसार छली ल्याईरहेको अवस्थामा ७ वटा भैसी सहित ४ जनालाई पक्राउ गरेको छ । प्रहरी नायव निरिक्षक नवराज कार्कीको नेतृत्वमा खटेको गस्ती टोलीले शनिबार राती कालिकामाई गाउँपालिका वडा नम्बर २ भेडिहारीबाट ६ वटा ठुलो भैसी र १ वटा पाडी गरी ७ वटा भैसी पक्राउ गरेको हो ।
पक्राउ गरेको भैसीहरुलाई आवश्यक कार्यावाहीका लागी भंसार चलान गरिएको छ । पक्राउ पर्नेमा पोखरीया नगरपालिका वडा नम्बर ६ का ४३ बर्षीय हिरालाल महतो, ६० बर्षीय फुलमान मिया, ३५ बर्षिय नविहुसेन मिया, पकहामैनपुर गाउँपालिका वडा नम्बर ४ का ३० बर्षीय समसाद मिया रहेको प्रहरीले जनाएको छ ।
