मुम्बई,१ चैत ।
भारतमा पुल भत्किँदा ६ जनाको मृत्यु भएको छ । भारतको मुम्बईमा आकाशे पुल भत्किँदा ६ जनाको मृत्यु भएको हो । मुम्बई स्थित रेलवे स्टेसन नजिकै पैदलयात्रीका लागि बनाइएको आकाशे पुल भत्किँदा अन्य ३० जनाभन्दा बढी घाइते भएका भारतीय सञ्चारमाध्यमले जनाएका छन् । बिहीबार वीहान स्थानीय समय अनुसार साँझ ७ः३० बजे छत्रपति शिवाजी स्टेसनको पुल भाँचिएको हो । एक वर्षअघि यस्तै भारतको वाराणसीमा पुल भत्किँदा १८ जनाको मृत्यु भएको थियो । यसैबीच भारतीय प्रधानमन्त्री नरेन्द्र मोदीले पुल भाँचिएर मृत्यु भएको घटनाप्रति दुःख व्यक्त गरेका छन्। महाराष्ट्रका मुख्यमन्त्री देवेन्द्र फड्नभिसले दुर्घटनाको छानबिन गर्न उच्चस्तरीय समिति गठन गर्न निर्देशन दिएका छन्।साभार एविपी न्यूज
मुम्बईमा आकाशे पुल भत्किँदा ६ जनाको मृत्यु
