वीरगंज । धोबीनी गाउँपालीकामा लोक सेवा तयारी कक्षाको आज एक कार्यक्रमको बिच उदघाटन गरिएको छ । श्री ने.रा.प्रा.बि. गुलरियामा सुरु भएको लोक सेवा अन्तर्गतको खरिदार पदको नि:शुल्क तयारी कक्षा सोमबार देखि सुरु भएको गाउँ कार्यपालिका कार्यालयका ना.सु एवं कार्यक्रम संयोजक कृष्ण नन्दन रायले वताए ।
धोबिनी गाउँपालिकाको आयोजनामा गाउँपालिका अन्तर्गतका युवायुवतीहरूको लागि लोक सेवा तयारी कक्षा सुरु भएको रायले जानकारी गराए । गाउँपालिका अध्यक्ष सुरेश प्रसाद कुर्मीको अध्यक्षतामा भएको उद्घाटन समाहरोहमा गाउँपालिका उपाध्यक्ष पारसनाथ प्रसाद कुर्मी, प्रमुख प्रशासकीय अधिकृत राजु साह लगायतकाको सहभागिता रहेको थियो ।
लोक सेवा तयारी कक्षामा प्रशिक्षक राजु साह, कृष्ण नन्दन राय, सरोज साह, अजय साह लगायतकाले पढाउने वताईएको छ । लोक सेवा कक्षामा ४२ जनाको सहभागिता रहेको आयोजकले जनाएको छ ।
