वीरगंज । वीरगंजमा रहेको अनुभुति कलेजमा आज बिद्यार्थीहरुले तालाबन्दी गरेका छन । नियमित पठन पाठन नहुने, शिक्षहरु समयमा नआउने, आवश्यकता भन्दा बढि बिदा हुने लगायतको आरोप लगाउदै बिद्यार्थीहरुले क्याम्पसमा तालाबन्दी गरेका हुन ।
कलेजले बिद्यार्थीहरुको भविष्य संग खेलवाड गरेको तथा बिद्यार्थीहरुबाट शुल्क मात्र असुल्ने गरेको बिद्यार्थीहरुले आरोप लगाएका छन । परिक्षा नजिक आउँदा पनि कोर्स पुरा नहुदाँ बिद्यार्थीहरु चिन्तित भएका छन ।
कलेजको आन्तिरीक समस्याका कारण बिद्यार्थीहरुको भबिष्य खराब भएको भन्दै बिद्यार्थीहरुले नाराबाजी गर्दै प्रर्दशन गरेका थिए । बिज्ञान र वाणिज्य संकाय पढाई हुने कलेजमा पाँच घण्टी पढाई हुनुपर्ने ठाँउमा मुस्लिकले २ घण्टी मात्र हुने गरेको बिद्यार्थीहरुले आरोप लगाएका छन ।
समस्या सम्बन्धमा बिद्यार्थीहरु र कलेजका प्रशासन संग अहिले वर्ता हुँदै छ ।
