वीरगंज, २४ फागुन ।
भारतिय एक समुहले दिनदहाडै वीरगञ्जको एउटा घरमा तोडफोड गर्दै आगजनी समेत गरेका छन । तर तोडफोड र आगजनी गर्नेहरुको विरुद्धमा प्रहरीले जाहेरी लिन नमानेको पिडित पक्षले आरोप लगाएका छन । फागुन १९ गते भारतिय बि.आर. २२ पि. ९५५६ नम्बरको स्कार्पियो गाडीमा ५ जनाको समुहमा आएको भारतिहरुले घरमा भएका व्यक्तिहरुलाई कुटपिट, लछारपछार गर्दै तोडफोड गर्नुको साथै आगजनी समेत गरेको पिडित वीरगंज महानगरपालिका वडा नं. १६, मिथिला टोल निवासी अनिता बर्णवाले वताइन ।
उनका अनुसार भारत पश्चिमी चम्पारण वेतिया निवासी पवन बर्णवाल, तनया बर्णवाल, मोनु बर्णवाल, मोना बर्णवाल र स्थानिय प्रमोद बर्णवालले विहान ८ बजे घरमा पुगी आक्रमण गरेका थिए । तिनीहरुले नगद रु ७२ हजार सहित सुनको सिक्री, टप भएको मेरो बैज्ञ पनि लुटेर लगेको उनले वताइन । उनी पत्रकार सम्मेलन गर्दै घरमा भएको वासिङ्ग मेशिन, सिलाई मेशिन, कुर्सी, पलंग ओछयान र घरको वायरिङ्ग समेत जलाएको वताइन ।
उनका अनुसार घरमा लागेको आगो स्थानिय, प्रहरी र दमकलको सहयोगमा निभाईएको थियो । घटनामा संलग्न ३ जना प्रहरी हिरासतमा पनि रहेका छन । आक्रमण गर्ने मध्यका पवन, तनया र मोनुलाई प्रहरीले नियन्त्रणमा लिई सार्वजनिक शान्ति कशुर मुद्दामा कर्वाही अगाडी बढाएको प्रहरीले जनाएको छ । अनौठो कुरा त यो रहेछ आखिर को थियो तिनीहरु, जसले छिमेकी मुलुकबाट आएर नेपालमा प्रबेश गरी दिनदहाडै आक्रमण गर्न हिमत गरे ।
७ बर्ष पहिला पिडितकी छोरा र भारत बेतियाकी केटी संग विहे भएको थियो । २०६९ सालमा उनका २८ बर्षिय छोरा राजेश कुमार र भारत पश्चमी चम्पारण बेतियाकी २५ बर्षिय मोना कुमारीको विहे भएको थियो । विहे पछि संगै बस्ने क्रममा तिनिहरुको सम्बन्ध धेरै दिन टिक्न सकेन । राजेश सहमती मै मोना संग सम्बन्ध विच्छेद गर्न खोजे पनि मोना मानिन्न ।
त्यस पछि २०७२/११/९ सालमा राजेशले सम्बन्ध विच्छेदको मुद्दा दिए । २ बर्ष पछि २०७४/०२/०९ गते पर्सा जिल्ला अदालतले मुद्दा फैसला गर्दै सम्बन्ध पनि विच्छेद गरे । सम्बन्ध विच्छेदको करिब २ बर्ष पछि राजेशले २०७५/१०/२५ गते अक्रो विहे पनि गरे । राजेशले अक्रो विहे गरेका भारत उपी मधुवनकी तानिया बर्णवाल संग बस्दै आएको छ । तर एकासी राजेशले अक्रो विहे गरेको मोनाको परिवारलाई थाह भए पछि मोना आफ्नो भाईहरुको साथमा वीरगञ्ज पुगेकी रहेकी छिन ।
उनको साथमा उनको ३ जना भाई र स्थानिय एक जना गरी ५ जना घरमा पुगी घरमा भएका राजेशका बुवा मोहन प्रसाद बर्णवाल, आमा अनितालाई कुटपिट, लछारपछार, तोडफोड गर्दै आगजनी समेत गरेका रहेका छन । त्यसको भोली पल्ट फागुन २० गते जिल्ला प्रहरी कार्यालय, पर्साका जाहेरी लिएर जादा छोरा राजेशलाई प्रहरीले नियन्त्रणमा लिई बहुविवाह मुद्दा चलाएको बुवा मोहनले वताए । छोरा राजेश र आक्रमण गर्ने मोनाका ३ जना भाई अहिले प्रहरी हिरासतमा रहेका छन ।
यस बिषयमा जिल्ला प्रहरी कार्यालय, पर्साका प्रवक्ता प्रहरी नायब उपरिक्ष आनन्त शर्मा संग बुझदा प्रहरी नियम सम्बन्ध नै कानुनी कर्वाही अगाडी बढाएको वताए । राजेशकी श्रीमतीले उच्च अदालतमा पुनः मुद्दा दिएकी र मुद्दा विचारीधिन अवस्थामा रहेकोले बहुविवाह मुद्दा चलाईएको वताए । राजेशको घरमा भएको आक्रमणको सम्बन्धमा तिन जनालाई नियन्त्रणमा लिई अनुसन्धान भइरहेको र पिडित जाहेरी नै दिन्न नआएको वताए ।
पिडितले जाहरी नदिए पछि प्रहरीले सार्वजनिक कसुर मुद्दा दर्ता गरी अनुसन्धान अगाडी बढाएको वताए । तर पिडित पक्षले शुक्रबार पत्रकार सम्मेलन गर्दै एक जनप्रतिनिधि कै दबावमा आएर प्रहरी जाहेरी नलिएको र नियम विपरित बहुविवाहको मुद्दा दर्ता गरी दुःख दिने काम गरेको आरोप लगाएका छन । हामीले न्याय पाउनु पर्ने उनिहरुको भनाई छ ।
