वीरगंंज, २२ फागुन ।
वीरगंज महानगरपालिकाको वडा नं. २५ श्रिसिया ड्राईपोर्टमा बिहिबार देखी ५ औं श्रीसिया गोल्डकप फुटबल प्रतियोगिता हुने भएको छ । श्रिसिया ड्राईपोट खेल मैदानमा हुने प्रतियोगिताको सम्पूर्ण तयारी पूरा भएको आयोजकले जनाएको छ ।
वीरगंज युवा क्लबको आयोजनामा हुने प्रतियोगिता चैत २ गतेसम्म संचालन हुने छ । आयोजक क्लबले बुधबार पत्रकार सम्मेलन गरी धिरज चौधरीको स्मृतिमा हुने प्रतियोगितामा ११ लाख खर्च लाग्ने अनुमान गरिएको जानकारी गरायो । प्रतियोगिताको विजेतालाई १ लाख ११ हजार र उपविजेतालाई ५१ हजार नगद, शिल्ड, मेडल तथा प्रमाणपत्र प्रदान गरिनेछ ।
प्रतियोगितामा बाराको एपीएफ पथलैया, वीरगंज युथ एकेडेमी, युवा स्पोस्र्टस क्लब वीरगंज, लालबन्दी ११ सर्लाही, भरतपुर फुटबल क्लब, हेटौडा, बारा ११, सरस्वती युवा क्लब रौतहट, वीरगञ्ज युनाईनेट र वीरगञ्ज आर्मीको सहभागिता हुने छ ।
पत्रकार सम्मेलनमा वोल्दै क्लबका अध्यक्ष सञ्जय पटेलले प्रतियोगिताले युवा तथा युवा समुहहरुलाई अनुशासित बनाउन मदत पुर्याउने वताए । यसका साथै युवा जागरण नेतृत्व क्ष्मता विकास तथा गतिशिलताको बाटो देखाउन सहयोग पुर्याउनेछ उनको भनाई थियो ।
नेपाल पत्रकार महासंघ, पर्सा शाखाको भवनमा भएको पत्रकार सम्मेलनमा निशान्त लामिक्षाने, विजय तिवारी, पकंज चौधरी, अनिल कलवार, अशोक तिवारी लगायतकाको सहभागिता रहेको थियो भने पत्रकार सम्मेलनको सहजिकरण पत्रकार तिवारी यादवले गरेका थिए ।
