टिकापुर, २२ फागुन ।
कैलाली घटनाका मुख्य अभियुक्त रेशम चौधरीसहित ११ जनालाई जन्मकैदको फैसला सुनाएको छ । कैलाली जिल्ला अदालतले बुधबार फैसला सार्वजनिक गर्दै चौधरीसहितका ११ जनालाई जन्मकैदको फैसला सुनाएको हो ।
- Advertisement -
न्यायाधीश पर्शुराम भट्टराईको एकल इजलासले यो फैसला सुनाएको हो। घटनाको झन्डै तिन वर्ष ६ महिनापछि अदालतको फैसला सार्वजनिक भएको छ ।
थरुहट नेता लक्ष्मण थारु र थारु कल्याणकारी सभाका जिल्ला अध्यक्ष लाहुरम चौधरीले सफाइ पाएका छन्। २०७२ भदौ ७ मा कैलालीमा भएको प्रदर्शनका क्रममा ८ प्रहरी सहित एक नाबलकको मृत्यु भएको घटनाको मुख्य अभियुक्त रेशम चौधरीलाई बनाइएको थियो। योबीचमा उनी राजपाबाट प्रतिनिधिसभा सदस्यमा निर्वा्चित भइसकेका छन् ।
