कानु ,हलुवाई ,कन्दोई मध्यदेशीय सामाजद्वारा खिर वितरण

प्रणय साह
वीरगंज , २१ फागुन
वीरगंजमा सुरु भएको अश्वमेध गायत्री महायज्ञको अवसर पारेर कानु ,हलुवाई ,कन्दोई मध्यदेशीय सामाज जिल्ला कार्य समिती पर्साले आइतवार देखी संचालन गरेको निशुल्क प्रसाद ग्रहनलाई नियत्रण दिएका छन् ।वीरगंजमा पहिलो पटक भईरहेको अश्वमेध महायज्ञको अवसरमा मंगलबार पनि कानु ,हलुवाई ,कन्दोई मध्यदेशीय सामाज जिल्ला कार्य समिती पर्साले प्रसादको रुपमा खिर खुवाएको छ । सामाजका केन्द्रिय उपाध्यक्ष हिरालाल साह कानुको विशेष उपस्थिती रहेको थियो । जिल्ला अध्यक्ष सुरेन्द्र प्रसाद कानुको नेतृत्वमा घडिहर्वा पोखरिको स्थित ब्रहम चौकमा महायज्ञमा आउने आगन्तुकहरुलाई खिर खुवाएका थिए । धर्म गर्नेका लागी आ आफनो तर्फवाट जति गरे पनि कम रहेको अध्यक्ष कानुले बताए । खिर वितरण कार्यक्रममा करिब आज मात्र १२ सय जना आगन्तुकलाई खिर खुवाईएको सामाजका केन्द्रिय सदस्य शम्भु गुप्ताले जानकारी दिनु भयो । खिर वितरण कार्यक्रममा सामाजका अगुवा हरिनारायण गुप्ता ,विजय गुप्ता , सुनिल गुप्ता तथा महिला नेतृ गौरी गुप्ता लगायतको उपस्थिती रहेको थियो ।
यस्तै काठमांडौमा महाशिवरात्रिको अवसर पारेर पवित्र पाशुपत क्षेत्रमा आउने दर्शनार्थीको लागी कानु ,हलुवाई ,कन्दोई मध्यदेशीय सामाजले प्रसाद वितरण गरेका थिए । हिजो बिहानैदेखि सञ्चालन गरिएको प्रसाद वितरण कार्यक्रममा बेलुकासम्म हजारौ भक्तजनले प्रसाद ग्रहन गरेका थिए । प्रसाद ग्रहन कार्य साँझसम्म रहेको प्रसाद वितरणमा सहभागी प्रविन गुप्ताले जानकारी दिनु भयो ।
उक्त संस्थाले शिवरात्रिका अवसरमा केहि वर्षदेखि पाशुपत क्षेत्रमा प्रसाद वितरण गर्दै आएको छ।