अश्वमेध गायत्री महायज्ञ विधिवत रुपमा शुरु

प्रणय साह
वीरगंज,१९ फागुन ।
वीरगजमा आईतबार देखि अश्वमेध गायत्री महायज्ञ विधिवत रुपमा शुरु भएको छ । महायज्ञका देव सँस्कृति विश्वविद्यालयका कुलाधिपति एवंम अखिल विश्व गायत्री परिवारका अध्यक्ष डा.प्रणव पाण्ड्याले उद्घाटन गरेका थिए । मौसम अनुकुल नभएका कारण राष्ट्रपति विद्याभण्डारी आउन नसकेपछि महायज्ञको उद्घाटन उनले गरेका थिए ।
वीरगंज स्थिता आर्दशनगरमा भैइ रहेको महायज्ञका मुल आयोजक समितिका अध्यक्ष डा उपेन्द्र महतोले उद्घाटन समारोहमा राष्ट्रपति विद्या भण्डारीले पठाएको सुचना पढेर जानकारी दिएका थिए । सन्देशमा भण्डारीले महामन्त्र, वेदमन्त्र, गायत्री मन्त्रको उपासनाका साथ हुने अश्वमेध महायज्ञले जीवन मुल्य र अत्याध्म अनुशासन कायम गर्ने विश्वास व्यक्त गरेकी छन् ।
राष्ट्र धर्ती र वातावरणको परिशोधनका लागि हुन लागेको महाज्ञको सफलताको कामना उनले गरेकी छन् । महायज्ञको उद्घाटन गर्दै डा. पाण्ड्याले गायत्री मन्त्रोच्चारण सहित हुने महायज्ञले मानिसमा क्रान्तिकारी चिन्तन बढ्ने बताए । नेपाल र भारत सँगसँगै हिडेर दुवै देशको विकास र समृद्धिमा लाग्नुपर्नेमा जोड दिदै सो अवसरमा पाण्ड्यालाई नेपाली टोपी र रुद्राक्षको माला लगाएर सम्मान गरिएको थियो ।
महायज्ञ आयोजक समितिका अध्यक्ष डा महतोले आफ्नो देश अरुले नबनाउने भएकोले आफैंले बनाउनुपर्नेमा जोड दिए ।
उद्घाटन कार्यक्रममा महायज्ञ आयोजक समितिका संयोजक एवं वीरगंज महानगरपालिकाका नगर प्रमुख विजय कुमार सरावगीले वीरहरुको भूमि वीरगंजमा आयोजना भएको महायज्ञ सफल बनाउन सहयोग गर्न आग्रह गरेका थिए ।
२ सय ५१ कुण्डीय भव्य यज्ञशाला निर्माण गरिएको महायज्ञमा देव सँस्कृति दर्शाउने प्रदर्शनी रहेको छ । शान्तिकुञ्ज हरिद्वारबाट आएका पुरोहित तथा साधकहरुले वैदिक मन्त्रको साथमा ४ दिनसम्म हवन यज्ञ गर्ने तथा युग संगीत, सत्सँग एवं साँस्कृतिक कार्यक्रमका साथै १६ प्रकारका सँस्कार निःशुल्क गर्ने व्यवस्था मिलाईएको र पुस्तक मेला, चित्र प्रदर्शनी समेत राखिएको छ ।