वीरगंज, १९ फागुन ।
समृद्ध नेपाल होइन कंगाल नेपाल वन्दै गएको नेपाल कम्युनिष्ट पार्टी (क्रान्तिकारी) माओवादीका केन्द्रिय अध्यक्ष सिपी गजुरेलले वताएका छन । वीरगंजमा आइतबार पत्रकारहरु संग भेटघाट गर्दै नेता गजुरेल सरकारको एक बर्षको कार्यकालमा भ्रष्टाचारको मात्रा बढेको र भ्रष्टाचार संस्थागत भएको आरोप लगाए । स्थायी सरकार प्राप्त भए पनि विकास हुने जनताको आशा निराशामा पडित हुदै गएको गजुरेले वताए ।
समृद्ध नेपाल र सुखी नेपालेको नाराले जनता दंग परे पनि अहिले समृद्ध नेपाल होइन कंगाल नेपाल र सुखी नेपाल होइन दुखी नेपाल वन्दै गएको उनले वताए । उनले भने मुलुकमा बढदै गएको भ्रष्टाचार, वलात्कार, हत्या र हिंसाले गर्दा विकराल अवस्था सृजना भएको डर लाग्दो सोच्नु पर्ने अवस्था आएको छ ।
४ अर्व ३५ करोड ५६ लाख भ्रष्टाचार नेपालको लागि ठूलो कुरा भएको वताउदै उनले भने यसले संस्थागत भ्रष्टाचार भएको प्रमाणित गरेको वताए । देशभक्त जनगणतान्त्रिक मोर्चा नेपालद्वारा आयोजित मेची महाकाली जनजागरण तथा जन परिचालन अभियान अन्तरर्गत १३ औं दिन वीरगंज पुगेका नेता गजुरेलले अग्रगामी विकल्पको तयारीमा आफुहरु रहेको वताए ।
देशभक्त जनगणतान्त्रिक मोर्चा नेपालका संयोजक समेत रहेका नेता गजुरेलले राष्ट्रिय स्वाधिनता र स्वभिमानको रक्षा गर्न फेरी अक्रो जन क्रान्ति जरुरी रहेको उनको भनाई थियो ।
पत्रकार भेटभाट कार्यक्रममा नेकपा (क्रान्तिकारी) माओवादीका प्रवक्ता हरि भक्त कडेल, प्रदेश नं. २ का संयोजक हरि भक्त कडेल, पर्सा इन्जार्ज नेजामुदिन साह लगायतकाको सहभागिता रहेको थियो ।