वीरगंज, १८ फागुन ।
राष्ट्रिय प्रारम्भिक कक्षा पढाइ कार्यक्रम अन्तरगत कार्यक्रम समीक्षातथा योजना सम्बन्धी ४ दिने कार्यशाला आज सिमरामा सम्पन्न भएको छ । साझेदार संस्थाहरुको क्षमता अभिवृद्धि गर्ने उद्देश्यले संचालन भएको यस कार्यक्रममा पर्सा र धनकुटाका ३५ जना सहभागीहरुको सहभागिता रहेको थियो ।
शिक्षा विकास तथा समन्वय इकाई पर्साको इकाई प्रमुख कृष्ण प्रसाद सिग्देलको प्रमुख आतिथ्यमा सम्पन्न भएको यस कार्यशालाको अध्यक्षता प्रारम्भिक कक्षा पढाइ कार्यक्रमका क्षेत्रिय प्रवन्धक प्रमुख संजय कुमार गुप्ताले गरेका थिए ।
कार्यक्रमका विशिष्ट अतिथि प्लान इन्टरनेशलनका प्रेम अर्यालले हालको सन्दर्भमा सामाजिक विकास तथा परिवर्तनका लागि समुदाय परिचालन आवश्यक रहेको र यस्ता कार्यमा स्थानीय गैर सरकारी संस्थाले उल्लेखनिय भूमिका खेल्न सक्ने बताएका थिए ।
कार्यक्रमको सहजीकरण शिक्षा विकास तथा समन्वय इकाई पर्साका शाखा अधिकृत हरि राउत र प्रारम्भिक कक्षा पढाइ कार्यक्रमका दिनेश संजेल, कमल नेपाल, स्वदेश महर्जन र भरत सहनी लगायतकाले गरेका थिए ।
कार्यशालाको अवधिमा पर्साका मुखदेव सुशिला मा.वि. रामनगरी, ने.रा.प्रा.वि.हरिहरपुर विर्ता र ने.रा.प्रा.वि. औराहाको स्थलगत भ्रमण गरि स्थानीय स्तर तथा विद्यालयमा संचालन भएका दौत्तरी शिक्षा तालिम, विद्यालय सुधार योजनाअभिमुखिकरण, प्रारम्भिककक्षा पढाइ उप समितिले संचालन गरेका क्रियाकलापको अवस्थाबारे अध्ययन गरिएको थियो ।
प्रारम्भिक कक्षा पढाइ प्रवद्र्धनका लागि स्थानीय तथा विद्यालय स्तरमा संचालन भइरहेका विभिन्न गतिविधिबाट पढाइ प्रवद्र्धनमा सहयोग पुगेको शाखा अधिकृत हरि राउतले बताए । विगत तिन महिनामा समुदाय परिचालन अन्तरगत संचालन भएका क्रियाकलापको समीक्षा र आगामी तिन महिनाका लागि कार्य योजना निर्माण गर्ने हेतुले आयोजना गरिएको कार्यक्रम जिल्ला संयोजक भरत सहनीले बताए ।
