मेघराज राय/जिराभवानी, १८ फागुन ।
पर्सामा निर्माणाधिन हुलाकी सडक खण्डमा सवारी दुर्घटना हुदा एक जनाको मृत्यु भएको छ भने एक जना गम्भीर घाइते भएका छन् ।
पर्साको जगरनाथपुर गाउँपालिका, ६ बहुवरी प्रसौनी चौकमा निर्माणाधिन हुलाकी सडक खण्डमा बनिरहेको कल्भर्टमा बा ३३ प ८२५९ नम्बरको मोटरसाइकल ठोकिदा मोटरसाइकलमा सवार पर्सागढी नगरपालिका वडा, ८ जिङ्ना बस्ने वर्ष १६ की रीमा कुमारीको मृत्यु भएको हो ।
मोटरसाइकल चालक चाहिँ भारत बिहार बेतिया बस्ने वर्ष २१ का रामधनी राम गम्भीर घाइते भएका छन् । मोटरसाईकल ठोक्एिर गम्भीर घाईते भएकी रीमाको उपचारको क्रममा मृत्यु भएको ईलाका प्रहरी कार्यालय पोखरियाका प्रहरी निरीक्षक मछिन्द्र केसिले जानकारी दिए।
मृतकको शव पोष्टमार्टमका लागि नारायणी उपक्षेत्रीय अस्पतालमा राखिएको प्रहरीले जनाएको छ । गम्भीर घाइते रामधनीको नारायणी उपक्षेत्रीय अस्पताल बिरगंजमा उपचार भईरहेको छ ।
