वीरगंज, १७ फागुन ।
पर्सा प्रहरीले लागु औषध ईन्जेक्सन सहित २ जनालाई पक्राउ गरेको छ । पक्राउ पर्नेमा काठमाण्डौ महानगरपालिका वडा न.१० बस्ने बर्ष १७ को रितिल शाही र सोही ठाँउ बस्ने बर्ष २४ को सुभाष कार्की रहेका छन ।
ला.औ.नि.का.शाखा का.ब्यूरो पर्सा बीरगंजबाट खटिएको प्रहरी टोलीले जि.पर्सा बि.म.न.पा. वडा न.-१६, रजतजयन्ती चोक स्थित सडक खण्डबाट लागू औषध ईन्जेक्सन सहित दुबै जनालाई पक्राउ गरिएको जिल्ला प्रहरी कार्यालय पर्साले जनाएको छ ।
बिभिन्न सवारी साधन तथा पैदल यात्री समेतको चेकजाँच गर्ने क्रममा दक्षिण भारतको रक्सौल तर्फबाट उत्तर बीरगंजतर्फ पैदल हिडी आउदै गरेका दुबै जनाको साथबाट लागु औषध ईन्जेक्सन डाईजेपाम ५० पिस, फेनारगन ५० पिस र नुर्फिन ५० पिस समेत फेला परेको प्रहरी कार्यालयले जनाएको छ ।
सो लागु औषध सहित रितिल शाही र सुभाषलाई नियन्त्रणमा लिई लागु औषध शिर्षकमा मुद्दा दर्ता गरी थप अनुसन्धान भइरहेको जिल्ला प्रहरी कार्यालय पर्साका प्रवक्ता अन्नत राज श्रर्माले वताए ।
