जनकपुर, १४ फागुन ।
नेपाल फोटो पत्रकार महासंघ प्रदेश नम्बर २ को संयोजकमा वीरगंजका फोटो पत्रकार राम सर्राफ सर्वसम्मत चयन भएका छन । मंगलबार जनकपुरमा भएको महासंघको प्रदेशस्तरीय भेलाले सर्राफलाई प्रदेश संयोजकमा सर्वसम्मत चयन गरेको हो ।
यस्तै सह संयोजकमा पंकज श्रेष्ठ, सचिवमा फणि महत, सह सचिवमा गणेश साह, कोषाध्यक्षामा दिवाकर भण्डारी र सदस्यमा श्रवण थापालगायत चयन भएका छन ।
फोटो पत्रकार महासंघका केन्द्रीय अध्यक्ष ध्रुव आले, पत्रकार महासंघ प्रदेश नं. २ का अध्यक्ष दीपेन्द्र चौहानलगायतको सहभागिता रहेको घोषणासभामा प्रदेश समिती चयन भएको हो । सर्राफ यसअघि फोटो पत्रकार महासंघको केन्द्रीय उपाध्यक्षको जिम्मेवारी बहन गरि सकेका ब्यक्ति हुन ।
घोषणा सभामा वोल्दै संयोजक सर्राफले फोटो पत्रकारहरुको पेशागत हकहितका लागि आफू सधैं लागि रहने वतए । फोटो पत्रकाहरुको पेशगत चुनौती समाधान र प्रवद्र्धनका लागि सरोकावाला निकाय र पक्षसित अधिकतम पहल र प्रयास गर्ने प्रतिबधता समेत उनले जनाए ।