वीरगंज, ८ फागुन । ः
नेपाली काङ्ग्रेस पर्साले बुधवार वीरगंजमा आयोजना गरेको कार्यकर्ता भेलालाई सम्बोधन गर्दै सभापति शेरबहादुर देउवाले पार्टी्भित्र अनुशासन नभए पार्टी कमजोर हुने भएकाले पार्टीलाई हानि–नोक्सानी पु¥याउने सबैलाई कारवाही हुने जानकारी दिनुभयो ।
नेपाली कांग्रेसका सभापति देउवाले “काङ्ग्रेस पार्टी कसैको बपौती होइन, कोइराला थर हुदैमा काहा लेखेका छन् कि नेपाली कांग्रेस कोइरालाको हो यो नेपाली जनताको पार्टी हो, पार्टीलाई कमजोर गर्नेलाई कारवाही हुनेछ” बताउनु भयो ।
विगतको निर्वाचनमा पार्टीका उम्मेदवारलाई हराउन घात अन्तरघात गर्ने सबैलाई अनुशासनको कारवाही हुने बताउदै जथाभावी बोल्दै हिँड्ने काङ्ग्रेसका नेता शेखर कोइरालालाई समेत कारवाही हुन सक्ने सभापति देउवाले प्रस्ट पार्नुभयो ।
कार्यक्रममा नेपाली काङ्ग्रेसका सहमहामन्त्री डा प्रकाशशरण महतले पार्टी्भित्र शुद्धीकरणको अभियान संचालन गने आवश्यक रहेको धारणा व्यक्त गदैे सरकारको कमी कमजोरीका विषयमा जनताका अधिकार रक्षाका लागि सङ्र्घषमा होमिन काङ्ग्रेसका सबै नेता तथा कार्यकर्तालाई आग्रह गर्नुभयो ।
नेपाली काङ्ग्रेस पर्साका सभापति अजयकुमार दिवेद्वीको अध्यक्षतामा आयोजित कार्यकर्ता भेलालाई नेपाली काङ्ग्रेसका केन्द्रीय सदस्य रमेश रिजाल, फर्मुल्लाह मंसुर, अजयकुमार चौरसिया, गगन थापालगायत वक्ताले मुलुकमा बढ्दै गएको हत्या, हिंसा र बलात्कार, भ्रष्टाचार र महँगीले जनता पीडित भए पनि अधिनायकवादी सरकार बेखबर रहेकोे आरोप लगाउनु भयो ।
पार्टी कसैको बपौति होइन, जनताको हो– सभापति देउवा
