जनकपुरधाम, ८ फागुन ।
नेपालमा दिगो विकास लक्ष्य ६ को स्थानीयकरण प्रदेश स्तरीय वहुपक्षीय नीतिगत छलफल प्रदेश नं. २ को जनकपुरधाममा सुरु भएको छ । वाटरएडको सहयोगमा र गैरसरकारी संस्था महासंघ नेपाल, प्रदेश नं. २ को आयोजनामा छलफल कार्यक्रम सुरु भएको हो ।
गैसस महासंघ प्रदेश नं. २ का अध्यक्ष धिरेन्द्र कुमार सिंहको अध्यक्षतामा र प्रदेश नं. २ का कानुन मन्त्री ज्ञानेन्द्र यादवको प्रमुख आतिथ्यतामा कार्यक्रम भइरहेको छ ।
कार्यक्रमममा प्रदेश नं. २ का सामाजिक विकास मन्त्री नवलकिशोर साह, गैसस महासंघका केन्द्रिय उपाध्यक्ष ध्रुवदेव प्रसाद, उप महासचिव अर्जुन भट्टाराई, सचिव बैधनाथ चौधरी, केन्द्रिय सदस्य रामचन्द्र साह लगायतका प्रदेश अन्तर्गतका ८ वटा जिल्ला गैसस महासंघका प्रतिनिधिहरुको सहभागिता रहेको छ ।
