वीरगंज, ७ फागुन ।
नेपाल चिकित्सक संघ नारायणी, वीरगंजको साधारण सभा तथा सपथ ग्रहण कार्यक्रम मंगलबार सम्पन्न भएको छ । चिकित्सक संघको सभा हलमा भएको कार्यक्रममा गत शनिबार सप्पन्न निर्वाचनबाट निर्वाचित पदाधिकारीहरुको सपथ ग्रहण पनि गराईएको थियो ।
डा. अरुण कुमार सिंहको अध्यक्षतामा निर्वाचित १० सदस्यीय समितीको सपथ ग्रहण भएको थियो । जुन समितिको उपाध्यक्षमा डा. रमेश घिमिरे, सचिवमा डा. उदय नारायण सिंह, कोषाध्यक्षमा डा. शाश्वत प्रसाद रहेका छन ।
यस्तै संघको सदस्यहरुमा डा. दिलिप चौरसिया, डा. अशोक कुमार गुप्ता, डा. नौसाद हक, डा. गोरख मिश्रा, डा. अमित झा, डा. फाहद आलम रहेका छन ।
सपथ ग्रहण सभामा वोल्दै नव निर्वाचित अध्यक्ष डा. सिंहले गफ गरेर मात्र हुदैन मान्सिक रुपमा समन्वय गरि काम गरेर देखाउने वताए ।
संघका निवर्तमान अध्यक्ष डा. जगदीश अग्रवालको अध्यक्षतामा भएको साधारण सभा तथा सपथ ग्रहण कार्यक्रमको संचालन निवर्तमान कोषाध्यक्ष डा. सन्जय अग्रवालले गरेका थिए ।
साधारण सभामा रु ३८ लाख ६५ हजार ७ सय ३० बराबरको आय र रु २२ लाख ९ हजार ६ सय १४ बराबरको व्यय समेत प्रस्तुत गरिएको थियो ।
