वीरगंज, ४ फागुन ।
जी.पी. कोइराला फाउण्डेशनको जिल्ला कार्यालय, पर्साको शनिबार उदघाटन गरिएको छ । एक भव्य कार्यक्रमका विच फाउण्डेशनकी केन्द्रीय अध्यक्ष सुजाता कोइराला, कांग्रेस महामन्त्री शशांक कोइराला, र नेता शेखर कोइरालाले संयुक्त रुपमा कार्यालयको उदघाटन गरे ।
उदघाटन कार्यक्रममा कोइराला परिवारका तीन नेतालाई १ सय २१ किलोको एउटै मालाले स्वागत समेत गरिएको थियो । गिरिजा प्रसाद कोइराला फाउन्डेसनले आयोजना गरेको कार्यक्रममा कांग्रेस महामन्त्री शशांक, नेताहरु सुजाता र शेखर कोइरालालाई एउटै मालाले सम्मान गरिएको थियो ।
कांग्रेसका पूर्व सभापति स्वर्गीय कोइरालाको नामको फाउन्डेसनको पर्सा कार्यालयको उदघाटन, फोटो प्रदर्शनी, विचार गोष्ठी कार्यक्रममा पुगेका नेतालाई एउटै मालाले सम्मान गरिएको हो । कार्यक्रममा सहभागी हुन् वीरगन्ज पुगेका तीन नेतालाई एउटै मञ्चमा एउटै मालाले सम्मान गरियो ।
कार्यक्रमलाई सम्बोधन गर्दै केन्द्रीय सदस्य सुजाता कोइरालाले कांग्रेसमा कोइराला परिवार एक भएको बताइन् । ‘हामी तीन कोइराला एक छौँ । भन्नेले नमिलेको भन्छन् तर टाउको दुखाउनु पर्दैन । हामी एक छौँ’, कोइरालाले भनिन् ।
उनले सभापति देउवातर्फ लक्षित गर्दै भाषणले मात्र नहुने बताइन । ‘भाषणले मात्र हुँदैन काम गर्नुपर्छ अनिमात्र नेता बन्न सकिन्छ’, उनले भनिन्न काग्रेस भित्रको विवाद अन्त्य भएपछि मात्र कांग्रेस बलियो हुन्छ र लोकतन्त्र बलियो हुन्छ ।’
फाउन्डेसनका पर्सा संयोजक महम्मद सहाबुदीनको सभापतित्वमा भएको कार्यक्रममा नेपाली कांग्रेसका केन्द्रिय सदस्य रमेश रिजाल, अजय चौरयिा, सुरेन्द्र चौधरी, पर्सा सभापति अजय द्विवेदी, नेता राजेन्द्र बहादुर अमात्य, जनार्धन सिंह क्षेत्री लगायतको सहभागिता रहेको थियो ।
