महायज्ञ सफल बनाउन तयारी तिव्र, जनप्रतिनिधिको भेला सम्पन्न

वीरगंज, २९ माघ  ।
वीरगंज महानगरमा नेपालकै पहिलो अश्वमेध गायत्री महायज्ञ सफल बनाउन तिव्ररुपमा तयारी भईरहेको छ । फाल्गुन १९ गते देखि २२ गते सम्म तिन दिने हुने महायज्ञको तयारीमा महानगरवासीनै तन, मन र धनले लागि परेका छन ।
वीरगज महानगरपलिकाको आदर्शनगर रगंशालामा हुन लागेको महायज्ञ सफल बनाउन स्थानियले समय दान, अंश दान र साधना दानको माध्यमले लागि परेको आयोजक समितीले जनाएको छ । वीरगंजमा निकालीएको कलश यात्रा भव्य रुपमा स्थानिय जनप्रतिनिधि समेत लागि परेका छन ।
कलश यात्रा गर्न गठित व्यवस्थापन समितिले मंगलबार वीरगंज उद्योग वाणिज्य संघको सभाहलमा आयोजना गरेको जनप्रतिनिधिको भेलामा वडा अध्यक्षहरुले महायज्ञ सफल बनाउन आफनो स्तरबाट कुनै कसर बाकी नराख्ने जानकारी दिएका छन् ।
भेलामा वडा नम्बर ५ का वडा अध्यक्ष जगत साह कानुले महायज्ञले जिल्लाको मात्र नभई समग्र मुलुकै समृद्धिको लागि भएकोले यसलाई सफल बनाउन प्रतिबद्धता गदै महानगरमा पाल्नु हुने सम्पूर्ण भक्तजानहरुको लागि ठाउँ—ठाउँ पानी पिउने व्यवस्था समिती कलश यात्रामा बढी भन्दा बढी महिला, युवतीलाई सहभागिता गराउने बताए ।
भेलामा वडा नम्बर ६ का वडा अध्यक्ष प्रदीप चौरसियाले महायज्ञ सफल बनाउन आफनो वडामा रहेका विभिन्न संघ सस्थाको सहकार्यमा व्यापार प्रचार प्रसार गरी जागरुकता फैलाउने तथा आफनो श्रोत र साधनको सदुपयोग गरी महायज्ञमा वडा वडाबाट उल्लेखनिय झक्तजनको सहभगिता गराउने बताएका छन् ।
वडा नम्बर २, ३, १३, १४ लगायत ३२ वडाका वडाअध्यक्षहरु क्रमश शेख अब्बास, बैजु स्वर्णकार, तुफान अंसार, भरत महतो लगायतकाले महायज्ञ सफल बनाउन आपनै श्रोतबाट स्थानियहरुलाई व्यापक रुपमा कलश यात्रामा सहभागिता गराउने जनाएका हुन । कार्यक्रममा समितिका संयोजक भोला प्रसाद कलवारले महायज्ञ शुरु हुने दिन विहान ८ बजेदेखि वीरगंजको घण्टाघर चोकबाट कलश यात्रा निकालिने र करिब ६ हजारको सहभागितामा निकालिने कलश यात्रा माईस्थान, आर्दशनगर, अलखिया मठ, कैलाश चौक हुदै आर्दशनगर रगंशालामा आयोजना हुने महायज्ञ स्थलमा पुगि कलश स्थापना गरिने बताए ।
कलश यात्रालाई भव्य र सभ्य बनाउन समिति लागि परेको बताउदै संयोजक कलवारले हरेक वडाबाट कति जना सहभागिता जनाउने छन त्यसको विवरण एक साता भित्र उपलब्ध गराउन वडा अध्यक्षहरु संग आग्रह गदै हरेक वडाको मठ मन्दिरमा स्थापित गरिने नरिवल, जव र स्याउ राखिएको कशललाई विधिवत रुपमा पुजापाठ गरी निकालिने भएकोले यसको तयारीमा एक जुट हुन बताए ।भेलाका वीरगंज महानगरपालिकाका मेयर विजय कुमार सरावगीले महायज्ञमा नेपाल गरी विभिन्न २० भन्दा बढी देशबाट आउने श्रद्धालुहरुको व्यवस्थापनको तयारी तिव्र रुपमा गरीरहेको जानकारी गराए ।
उहाले वास वस्न ठाकुराम क्याम्पसका गर्ल होस्टल, व्वायज होस्टलमा र घण्टाघर नजिकै रहेको खाली जग्गा गरी ४ लाख ५० हजार स्क्वायर फिटको टेन्ड बनाउने काम भईरहेको बताए । सुरक्षाको दृष्टीकोणले पर्साको सुरक्षा सहित थप १ हजार सुरक्षार्कीहरुलाई बाहिरबाट झिकाउने काम भईरहेको छ, त्यसैगरी टाउनहल नजिकै रहेको बालमन्दिरमा पनि दैनिक ५० हजार श्रद्धालुहरुको लागि खाना खाने व्यवस्था मिलाईएको छ भने अन्य नगरको विभिन्न १० ठाउँमा थप भण्डारा संचालन गरिने छ, १५० भन्दा बढी शौचालय पनि निर्माण भईरहेको छ, महानगरको सरसफाईलाई पनि ध्यानमा राखी महानगरको सफाई कर्मचारी सहित निजि सस्थालाई पनि सरसफाईमा जुट्न पहल गरिने मेयर सरावगीले बताए । त्यसैगरी २१ गते महायज्ञ स्थलमा २४ हजार दिप बाल्ने जनाउने मेयर सरावगीले हरेक घर घरमा कम्तिमा ५ वटा दिप बाल्न नगरवासीमा अपिल समेत गरे
भेलामा शक्ति पिठ नेपालका प्रभारी वोयेन्द्र सिंहले वीरगन्जमा वैज्ञानिक ढंगले हुन गईरहेको महायज्ञबाट जल, थल, वायु, आकाश, महाभुतहरुको शुद्धिकरण हुने बताए । मनुष्यमा हुने शारिरीक, मानसिक रोगव्याधिको उपचार गर्न सक्ने प्रभावकारी माध्यमपनि हो उनले भने, यज्ञबाट एउटा सात्विक वातावरण तयार हुन्छ, यसले गर्दा मानिसको आध्यात्मिक विकासमा अत्यन्त लाभदायि हुने छ ।
ब्रहमावादणी टोलीका श्यामा राठोरले एउटै विचार र लक्ष्य लिएर महिलाहरु संगठीत भई अगाडी बढे महायज्ञ सफल हुने बताए । सामुहिक रुपमा जन जागरण गरेर निदाएर बसेका प्रतिभालाई जगाउन र जागृत प्रतिभालाई सभ्यता संस्कृतिको उत्थानमा नियोजन गर्नका लागि अश्वमेध एउटा सशक्त माध्यम पनि रहेकोले यसलाई सफल बनाउन महिलाहरुलाई उल्लेखनिय सहभागिता जनाउन अपिल समेत उनले गरे । समितिका संयोजक कलवारको अध्यक्षतामा सम्पन्न भेलाममा महानगरका उप मेयर शान्ति कार्की, शक्ति पीठ वीरगंजका कार्यकर्ता, विभिन्न वडाका वडा अध्यक्ष, वडा सदस्यहरु लगायतको सभागिता रहेको थियो ।