स्वदेशमै गुणस्तरीय शिक्षा प्राप्त गर्न सकिन्छ

वीरगंज, २९ माघ ।
वीरगज स्थित नगरसभा गृहमा दुईदिने शैक्षिक परामर्श मेला शुरु भएको छ । मंगलवार शैक्षिक परामर्श मेलाको वीरगंज महानगरपालिकाका मेयर विजय कुमार सरावगीले उदघाटन गदै उच्च शिक्षा अध्ययनका लागि विदेशिने युवायुवतीहरुलाई स्वदेशमै गुणस्तरीय शिक्षा प्राप्त गर्न सकिन्छ विषयमा जानकारी दिनु भयो । आयोजित शैक्षिक परामर्श मेलामा देशभरका विभिन्न उत्कृष्ट कलेजहरुको स्टल राखिएको छ ।
एजुकेशन डटकमले आयोजना गरेको दुईदिने परामर्श मेलामा पर्सा,बारा र रौतहटका विद्यार्थीहरुको सहभागीता रहेको थियो । उच्च शिक्षा अध्ययन हुने नेपालका उत्कृष्ट कलेजहरुको बारेमा जानकारी लिन सक्ने र स्वदेशमा उच्च शिक्षाका लागि उत्कृष्ट र गुणस्तरीय कलेजहरु भएपनि पछिल्लो समयमा उच्च शिक्षा अध्ययनका लागि विदेशिने युवायुवतीहरुको संख्यमा वृद्धि भईरहेको कारण स्वदेशमै उच्च शिक्षा अध्ययनका लागि कलेजहरु रहेको आयोजक समितिका अध्यक्ष जीवन कुमार लामाले बताउनुभयो । मेलाको उदघाटन सत्रमा विरगंज पब्लिक कलेजका कार्यकारी निर्देशक प्राध्यापक डा.दिपक शाक्य, नेपाल पत्रकार महासंघ प्रदेश नम्बर २ का उपाध्यक्ष केसी लामिछाने लगायतको उपस्थिती रहेको थियो । शैक्षिक परामर्श मेला माघ २९ गते मंगलबार देखी फागुन १ गते बुधवार सम्म संचालनमा रहने छ ।