वीरगंज, २६ माघ ।
वीरगंजमा यहि माघ २९ र फागुन १ गते वृहत शैक्षिक मेलाको आयोजना हुने भएको छ । वीरगंजमा आज पत्रकार सम्मेलन गरी आयोजकले वीरगंजको टाउनहलमा पहिलो पल्ट मेला आयोजना गर्न लागिएको जनाएको छ । पाँचौ नेपाल हाईअर एजुकेशन फेयर नाम दिएको मेला बिहान १० बजे देखि साँझ पाँच सम्म हुने आयोजकले जनाएको छ ।
मेलामा काठमाडौं विश्व बिद्यालय,त्रिभुवन विश्वबिद्यालय, पोखरा बिश्व बिद्यालय,पुर्वाञ्चल विश्व बिद्यालय संग आवद्ध बिभिन्न कलेजहरुले निशुल्क परामर्श दिने आयोजकले जनाएको छ । उच्च शिक्षा हासिल गर्नका लागि बिद्यार्थीहरु बिदेश जाने क्रम बढदै जादा स्वदेशमै उच्च शिक्षा हासिल गर्नको लागि मेला आयोजना गरिएको मेलाका कार्यकारी अधिकृत तारामान रावलले जानकारी दिनुभयो ।
पत्रकार सम्मेलनमा शिक्षाविद तथा बिपिसी कलेजका प्रबन्धक डा. दिपक शाक्य, नेपाल पत्रकार महासंघ प्रदेश दुईका अध्यक्ष दिपेन्द्र चौहान,पत्रकार बिजय कुशावाहा, प्रध्यापक सुवास प्रसाद , संजय श्रेष्ठ लगायतले मेलाको महत्व बारे प्रकाश पार्नुभएको थियो ।
