वीरगंज, २० माघ ।
प्रदेश–२ को पर्सामा लागु औषध सहित ३ जना पक्राउ परेका छन । पक्राउ पर्नेमा वीरगंज महानगरपालिका वडा नं. ११, रानिघाट निवासी बर्ष ५५ का रामबालक प्रसाद विन, वडा नं. १२, मुर्ली निवासी बर्ष ४५ का शम्भुलाल मियाँ र हेटौडा उपमहानगरपालिका वडा नं. १, भैराडाँडा निवासी बर्ष १८ का इर्शाक ढुंगाना रहेका छन । पर्सा प्रहरीले विनलाई लागु औषध चरेश सहित, मियाँ र ढुंगानालाई लागु औषध ट्याब्लेट सहित पक्राउ गरिएको जनाएको छ ।
जिल्ला प्रहरी कार्यालय, पर्साबाट खटिएको प्रहरी टोलीले रानिघाट निवासी विनलाई ११ किलो लागु औषध चरेश सहित निजको घरबाट पक्राउ गरिएको प्रहरी नायब उपरिक्षक(डि.एस.पी.) अनन्त शर्माले वताए । विशेष सुचनाको आधारमा शनिबार राति ९ः३० बजे निजको घर खनतलासी गर्दा घरको आगनबाट बासले छोपी लुकाई छिपाई राखिएको लागु औषध चरेश फेला परे पछि नियन्त्रमा लिइएको पर्सा प्रहरीका प्रवक्ता समेत रहेका डि.ए.सी. शर्माले वताए ।
यस्तै लागु औषध नियन्त्रण ब्यूरो शाखा कार्यालय वीरगंजबाट खटिएको प्रहरी टोलीले वीरगंज १६, रजतजयन्ती चोक स्थितबाट भारत रक्सौलबाट वीरगंज तर्फ आइरहेका मुर्ली निवासी मियाँलाई लागु औषध ट्याब्लेट सहित पक्राउ गरिएको उनले वताए । डि.एस.पी. शर्माका अनुसार शनिबार राती ७ बजेको करिबमा चेकजां गर्ने क्रममा निजको साथबाट नाइट्रोभेट ट्याब्लेट ३४५ पिस, डाइजेपाम ३ पिस, फेनारगन ३ पिस र नुर्फिन ३ पिस फेला परेकोले नियन्त्रणमा लिई अनुसन्धा अगाडी बढाइएको हो ।
यस्तै शनिबार दिउसो प्रहरी चौकी बसपार्क वीरगंजबाट खटिएको प्रहरी टोलीले वीरगन्ज १५, बाईपास स्थित सडकमा विभिन्न सवारी साधन तथा पैदल यात्रुलाई समेत चेकजांच गर्ने क्रममा भारतको रक्सौलबाट उत्तर बीरगंज तर्फ पैदल हिडी आइरहेका ढुंगानालाई लागु औषध ट्याब्लेट सहित पक्राउ गरिएको प्रहरीले जनाएको छ । निजको साथबाट नाइट्रोभेट ट्याब्लेट १० पत्ता (१५०) पिस फेला परेको डि.एस.पी. शर्माले जानकारी गराए ।
