पर्सा, १८ माघ ।
गाद्दीमाई वन उपभोक्त साझेदारी समितिको शुक्रबार बसेको बैठकले विभिन्न महत्वपूर्ण निर्णय गरेको छ । रंगपुर रेन्ज पोष्टमा बसेको बैठकले समिति संचालनका लागि विद्यान निर्माण गर्न र कार्य योजना बनाउनको लागि समितिका संयोजक कृष्ण मोहन यादवको संयोजकत्वमा ७ सदस्यि उप समिति गठन गरेको छ ।
जुन समितिको सदस्यमा सहरुम राउत, पुरन यादव, पप्पु पटेल, बसन्ती चौधरी, रवि आनन्द गोपाली रहेका छन । समितिका संयोजक यादवको अध्यक्षतामा बसेका बैठकले वन जोगाउनको लागि ३ वटा गस्ती समुह पनि गठन गरेको छ । संयोजक यादव, सहरुम राउत गदी र पुरन यादवको संयोजकत्वमा संयोजकत्वमा ३/३ सदस्यि समिति गठन गरेको छ ।
यस्तै काठ दाउरा संरक्षण तथा सदुपयोग समिति गठन गरिएको छ । जुन समिति संयोजक यादवको संयोजकत्वमा ९ सदस्यि गठन गरिएको हो । बैठकले ९ जना समितिका सदस्यहरुलाई क्षमता अभिवृद्धि गर्ने निर्णय समेत गरेको छ ।
