वीरगन्ज, १७ माघ ।
जगदम्बा इन्टरप्राइजेज प्रा.लि. को उत्पादन जगशक्ति गोल्ड एफई ५०० डी टिएमटी फलामे छडलाई औपचारिक रुपमा सार्वजनिक गरेका छन ।
जगदम्बाले आयोजना गरेको सार्वजनिक समारोहमा कलाकारद्वय हास्य कलाकार सीताराम कटेल धुर्मुस र कुँजना घिमिरे सुन्तली र उद्योग संचालकले संयुक्तरुपमा जगशक्ति गोल्ड फलामे छड सार्वजनिक गरेका थिए ।
सन २००० मा करिब १ सय करोडको लगानीमा स्थापना भएको जगदम्बा इन्टरप्राइजेजले शुरुवातकालमा स्टील पाईप उत्पादन गर्दै आएपनि पछिल्लो समयमा आएर जगशक्ति गोल्ड फलामे छडको उत्पादन शुरु गरेको हो ।
उत्पादन राजदूत सीताराम कटेल धुर्मुसले जगदम्बाले गुणस्तरीयतालाई विशेष ध्यान दिँदै बजारमा ल्याएको यो उत्पादनले उपभौक्तलाई सुरक्षा र खुशि एकैपटक प्रदान गर्ने विश्वास दिलाए ।
साथै आफ्नो मन्तव्यमा कलाकार कटेलले भविष्यमा चितवनमा निर्माण हुनगईरहेको गौतम वुद्ध अन्तराष्ट्रिय क्रिकेट रंगशालाको निर्माणमा उपस्थित सबै वर्ग र तप्कालाई सहयोगको लागि आग्रह समेत गरेका थिए ।
उद्योगले कलाकार धुर्मुस र कुँजना घिमिरे सुन्तलीलाई आगामि दिनको लागि उत्पादन राजदुतको रुपमा अनुबन्धित गरेको छ ।
कार्यक्रममा उद्योग संचालक अनिल रुँगटाले वि. स. २०७२ सालमा गएको महाविनाशकारी भूकम्पले पुर्याएको क्षतिलाई ध्यानमा राख्दै गुणस्तरीय फलामे छड उत्पादन शुरु गरेको बताए ।
साथै उनले २ वर्षसम्म प्रति मेट्रिक टन जगशक्ति गोल्डको बिक्रीबाट २० रुपैयाँ रंगशाला निर्माणलाई सहयोग प्रदान गर्ने घोषणा समेत गरेका छन ।
कर्यक्रममा बैंकर्स, निर्माण व्यवसायी तथा निर्माण समग्री बिक्रेताको बाक्लो उपस्थिती रहेको थियो ।
