वीरगंज, १४ माघ ।
नेवि संघ, पर्साले प्रहरी हस्तक्षेपका वाहजुद पनि सोमबार वीरगंजमा प्रधानमन्त्री के.पी. ओलीको पुतला दहन गरेको छ । ठाकुर राम बहुमुखी क्याम्पस वीरगंजबाट निस्केको नेवि संघको सरकार विरुद्धको विरोध जुलुश प्रहरी हस्तक्षेपका वाहजुद पनि आदर्शनगर चौकमा पुगी प्रधानमन्त्री ओलीको पुतला दहन गर्न सफल भयो ।
के.पी. ओली मुर्दाबाद, माफिया सरकार मुर्दाबाद, निकम्मा सरकार मुर्दाबाद, केपी ओली तेरो पाराले दुख पायो साराले लगायको नारा लगाउदै क्याम्पसबाट निस्केको नेवि संघको बिरोध जुलुशमा प्रहरीले बारम्बार हस्तक्षेप गरेको थियो । वाक्लो संख्यामा रहेको प्रहरीले बिरोध जुलुशमा हस्क्षेप गर्दा विद्यार्थी र प्रहरी विच झडप समेत भएको थियो ।
सरकारले बहुमतले पारित गरेको चिकित्सा शिक्षा विधेयक, बढदै गएको भ्रष्टचार, बलात्कारको घटना, शुन काण्डको विरोधमा विरोध जुलुश प्रर्दशन गरिएको नेवि संघ, पर्साका अध्यक्ष विश्वास द्विवेदीले वताए । नेवि संघको पूर्व घोषित भएको विरोधको कार्यक्रममा नेवि संघका केन्द्रिय सदस्य सुधिर पटेल, बद्रिनाथ तिवारी लगायतकाको सहभागिता रहेको थियो ।
