वीरगंज, १३ माघ । नेपालको प्रमुख नाका वीरगंज-रक्सौलमा घण्टौ लाग्ने ट्राफिक जाम समस्याको समाधान छिटै हुनेभएको छ । भारत सरकारले रक्सौल स्थित रेल्वे क्रसिङमाथि आकाशेपुल (ओभर ब्रिज) निर्माण गर्ने लागे पछि ट्राफिक जाम समस्याको समाधान हुने भएको छ ।
नेपाल-भारत सहयोग मञ्च तथा वीरगंज उद्योग वाणिज्य संघको अथक प्रयास पछि ओभर ब्रिज निर्माण हुनेभएको छ । मञ्चका केन्द्रिय अध्यक्ष अशोक बैद्य, नेपाल उद्योग वाणिज्य संघ वीरगंजका निवर्तमान अध्यक्ष तथा प्रदेशसभा सदस्य ओमप्रकाश शर्मा, भारतीय सांसद डा. सञ्जय जैश्वाललगयातको टोलिले केहि महिना अगाडि भारत सरकारका सडक, पारवाहन तथा विकास मन्त्रि नितिन जयराम गडकरी संग भारतको राजधानी दिल्लीमा भेटघाट गरि ओभर ब्रिज निर्माण गर्न लगयात विषयहरुमा छलफल गरेका थिए ।
वीरगंजका व्यापारीहरुको अनुरोधलाई मध्यनजर गर्दै भारत सरकारले ओभर ब्रिज निर्माण गर्ने लागको हो । मञ्च अध्यक्ष बैद्य अनुसार आगामी माघ १६ गते मन्त्रि गडकरीले उक्त ओभर ब्रिजको सिलान्याश गर्ने कार्यक्रम रहेको छ । ब्रिज निर्माण पश्चात रक्सौलमा घण्टौ लाग्ने जामको समस्याबाट स्थानिय तथा व्यापारीहरुले छुट्कारा पाउने छन् । ब्रिज निर्माणका लागि टेण्डर समेत आहवान गरिसकिएको बैधले जानकारी गराए ।
