मेघराज राय /जिराभवानी, १० माघ ।
पर्साको ग्रामीण भेगमा लागु औषधको तस्करीमा फेरि बृद्धि भएको छ । महादेवपट्टी, सुर्वणपुर, निर्मलवस्ती, विजयवस्ती, ओडार, शंकरसरैया र सखुवनीया लागु औषध गाँजा र चरेशको तस्करीको केन्द्रको रुपमा स्थापित हुँदै गएको स्थानीयवासीले बताएका छन् ।
मकवानपुर जिल्लाको विभिन्न स्थानबाट गाँजा र चरेश खरीद गरी कारोबारीहरुले चितवन राष्ट्रिय निकुन्ज र पर्सा रास्टृय निकुञ्ज को बाटो हुँदै पर्साको महादेवपट्टी , सुर्वणपुर , निर्मलवस्ती , विजयवस्ती , ओडार , शंकरसरैया र सखुवनीयामा ल्याएर भण्डारण गर्ने गरेको स्थानीयवासीले बताएका छन् ।
पर्साको ग्रामीण भेगमा भण्डारण गरिएको लागु औषध गाँजा र चरेश विसुनपुर्वा ,पाडेपुर , जानकीटोला , दसौता ,बलुवा पिपडारी हुँदै भारत तर्फ तस्करी भईरहेको स्थानीयवासीले बताएका छन् । त्यसक्षेत्रमा रहेका नेपाल प्रहरी र सशस्त्र प्रहरीकै मिलोमतोमा गाजा र चरेशको तस्करी फस्टाएको स्थानीयवासीले आरोप लगाएका छन् ।
