वीरगंज, ७ माघ ।
तस्करीको कुरा गर्न जिल्ला प्रहरी कार्यालय, पर्सा पुगेका २ जना पक्राउ परेका छन । पक्राउ पर्नेमा पकहा मैनपुर गाउँपालिका वडा नं. ५, सबैठवाका अ. ५५ वर्षिय नसुरलाह आलम र छिपहरमाई गाउँपालिका वडा नं. १, मिर्जापुरका अ. बर्ष ४५ का रामबाबु गुप्ता रहेका छन ।
शनिबार गिट्टी तस्करीको कुरा गर्न प्रहरी कार्यालय पुगेका आलम र गुप्ता प्रहरी संग विवाद गर्दा नियन्त्रणमा लिई सार्वजनिक अपराध मुद्दा दर्ता गरि अनुसन्धान भईरहेको पर्साका प्रहरी उपरीक्षक रेवती ढकालले वताए ।
प्रहरी हिरासतमा रहेका आलम पुर्व गा.वि.स. अध्यक्ष, नेपाल संघिय समाजवादी पार्टीका नेता तथा गत निर्वाचनमा गाउँपालिका अध्यक्ष र प्रदेश सभा सदस्य पदमा चुनाव लडेका ब्यक्ति हुन ।
