वीरगंज, ४ माघ ।
वीरगंजको भिस्वाचोकमा पार्किङ गरी राखेकाे बसमा आगलागी भएको छ । शुक्रबार साँझ ७ बजे ना. ५ ख २७२ नम्बरको पुरानाे बसमा आगलागी भएको जिल्ला प्रहरी कार्यालय पर्साले जनाएको छ । आगो लागेपछि बस जलेर पूर्ण क्षति भएकाे प्रहरीले जनाएको छ ।
बसमा आगलागी हुँदा वीरगन्ज महानगरपालिकाको बरुण यन्त्र, नेपाली प्रहरी, सशस्त्र प्रहरी र स्थानीयबासीको सहयोगमा नियन्त्रण गरेकाे पर्साका प्रहरी उपरीक्षक रेवती ढकालले जानकारी दिए । बसमा आगो कसले लगायाे भन्ने बारेमा अनुसन्धान भइरहेको उनले बताए ।
