वीरगंज, २ माघ ।
लागु औषध गाँजा सहित एक युवकलाई प्रहरीले पक्राउ गरेको छ । पक्राउ पर्नेमा पर्सा बिन्दवासनी गा.पा.वडा नं.-७,बस्ने बर्ष २२ को उपेन्द्र दास रहेका छ्न । अवैध गाँजा ओसार पसार भई रहेको छ भन्ने विषेश सुचनाको आधारमा मिति सोमबार १८:०० बजे दासलाई पक्राउ गरिएको प्रहरीले जनाएको छ ।
वडा प्रहरी कार्यालय श्रीपुर पर्साबाट खटिएको प्रहरी टोलीले वीरगंज महानगरपालिकाको वडा नं.-११, स्थित ने.रा.मा.वि.को पछाडी हिमाल टोलमा उत्तरवाट दक्षिण तर्फ आउदै गरेको ना.४० प.४२५९ नं.को मोटरसाईकलको पछाडीको सिटमा झोला राखि चलाई आउदै गरेको दासलाई पक्राउ गरिएको जिल्ला प्रहरी कार्यालय पर्साले जनाएको छ ।
निजको साथबाट लागु औषध गाँजा २० किलो ७०० ग्राम फेला परेकोले सो लागु औषध र मो.सा.सहित दासलाई नियन्त्रणमा लिई आवश्यक अनुसन्धान भईरहेको जिल्ला प्रहरी कार्यालय पर्साका प्रवक्ता प्रहरि नायब उपरीक्षक मान बहादुर राईले बताए ।
