विरगंज, ३० पुस ।
घरमा खाना बनाउने क्रममा ग्यास सिलिण्डरबाट आगलागी हुँदा दुई जना घाइते भएका छन् । वीरगंज महानगरपालिका ११ श्रीपुरमा हिरा महतोको घरमा खाना बनाउने क्रममा ग्यास सिलिण्डर एकासी पडकिदा आगलागी हुँदा दुई जना घाइते भएको हो ।
नेपाल सरकारले प्रतिबन्धत गरेका साना ग्यास सिलन्डर पडकिदा आगो लागेको हो । आगोले सो घरका श्रीमान र श्रीमती घाइते भएका हुन् । गम्भीर घाइते भएका ३५ वर्षीय जगरनाथ महतो धानुक र श्रीमती ३२ वर्षीय सुनितालाई थप उपचारको लागि काठमाडौं पठाइएको छ ।
खाना बनाउने क्रममा ग्यास सिलिण्डर पड्केर ठूलो आगलागी भएको स्थानीय राजेश मण्डलले बताए । आगो नियन्त्रणको लागी स्थानीयबासी ,महानगरपालिकाको बारुण यन्त्र र नेपाल प्रहरीको सहयोगमा आगो नियन्त्रणमा आएको पर्साका प्रहरी नायब उपरीक्षक मानबहादुर राईले जानकारी दिनु भयो ।
