वीरगंज, २८ पुष ।
सडक निर्माणमा मुआव्जा नपाउँदा उचित मुआब्जाको माग गर्दै मुआब्जा सघंर्ष समितीले आज अन्तरक्रिया गरेको छ। बारा र पर्सा जिल्लाका जनताहरुको निजी जग्गामा सडक निर्माण हुदाँ मुआव्जाको माग गर्दै मुआब्जा संघर्ष समितीले अन्तरक्रिया गरेको हो ।
परवानीपुरको हबिब मार्केटमा शनिबार भएको अन्तरक्रिया कार्यक्रम मार्फत संघर्ष समितिले उचित मुआब्जाको माग गरेका हुन । राष्ट्रिय गौरवको आयोजना गण्डक देखि परवानीपुर सम्म निर्माण हुदाँ निजि जग्गा अधिग्रहण गरेर सडक निर्माण भईरहेकोले उचित मुआब्जाको माग गर्दे अन्तरक्रिया गरेका हुन ।
बि.स. २०२१ सालमा नेपाल सरकारले त्रुटीपुर्ण तरीकाले निर्माण गरेको सडकमा एक पैसा पनि मुआब्जा नदिएकाले वर्तमानको समयमा मुआब्जाको माग गरीएको संषर्श समितीको भनाई छ । नेपाल सरकारको भौतिक पुर्वाधार मन्त्रालयलाई निजी जग्गा अधिग्रहण सडक निर्माण गर्दा जग्गा धनिले उचित मुआब्जा दिनु पर्ने बारा र पर्साका जनताहरुको माग छ ।
मुआब्जा माग संघर्ष समितीका संयोजक नागमणि उपाध्यायको अध्यक्ष्तामा भएको अन्तरक्रिया कार्यक्रममा प्रदेश सभा सदस्य जन्नत अंसारी , नेकपाका नेता रामपाल यादव, सोचन यादव, रामक्षेत्री पटेल, राजेन्द्र यादव, नेपाली कांग्रेस पर्साका सभापति अजय द्धिवेदी , रामनारायण कुर्मी लगायतकाले मन्तव्य व्यक्त गरेका थिए ।
