पर्सा, २२ पुस ।
पर्साको जगरनाथपुर गाउँपालिकाको वडा नं. ५, मसिहानीमा आइतबार साझ आगलगी भएको छ । आगलागीले स्थानिय बिरेन्द्र पण्डित कुमाहलको कुखराको खोर जलेर पुर्ण रुपले नस्ट भएको प्रहरीले जनाएको छ ।
बिजुलीको तार सर्ट भई भएको आगलागीले खोर पुर्ण रुपले जलेर नस्ट भएको ईलाका प्रहरी कार्यालय पोखरियाका प्रहरी नायब निरीक्षक नवराज कार्कीले वताए । खोरमा रहेको ५ सय कुखराको चला मध्ये ४ सय २० वटा जलेर नस्ट भएको कार्कीले वताए ।
यस्तै खोरमा राखिएको ५ बोरा दाना समेत जलेको उनले जानकारी गराए । आगलगीले ३ लाख ४० हजारको क्षति भएको छ भने आगलगी स्थानिय, प्रहरी र पोखरिया नगरपालिकाबाट पुगेको दमकलले नियन्त्रणमा आएको हो ।
