वीरगंजमा दोश्रो विशाल गोल्ड कप फुटबल प्रतियोगीताको यही पुस २८ गते देखी हुन गइरहेको छ । वीरगञ्जको नारायणी रंगशालामा हुन गईरहेको दोश्रो विशाल गोल्डकप फुटबल प्रतियोगीताको तयारी तिव्र रुपमा भईरहेको छ । राष्ट्रिय स्तरको फुटबल प्रतियोगीता वीरगञ्जमा हुदाँ वीरगञ्जबासी पनि उत्साहित भएका छन । फुटबल प्रतियोगीताको तयारी के कति भईरहेको छ त भन्ने बिषयमा केन्द्रित रहेर कालिका टाइम्स सम्वादमा विशाल मेमोरीयल फाउण्डेशनका अध्यक्ष अनिल कुमार कलवार संग सहकर्मी तिवारी यादवले कुराकानी गर्नु भएको छ ।
–वीरगंजमा दोश्रो विशाल गोल्डकपको तयारी भईरहँदा अनिल जी आजकल कतिको व्यस्त हुनहुन्छ ?
राष्ट्रिय स्तरको फुटबल प्रतियोगिता हामीले आयोजना गर्दै छौं । त्यो पनि एक सत्ता नजिक आइसकेकोले प्रतियोगिताको लागि नै व्यस्त रहेका छौं । फाउन्डेसनका सबै साथीहरु कार्य विभाजन गरी तयारीमा लागेका छौं ।
–गोल्डकपमा कति वटा टिमको सहभागीता रहने छ ?
भारत र नेपालका ८ वटा टिमको सहभागिता रहने छ । जसमा भारतो कलकता, सिलिगुडी र नेपालका ६ वटा टिमको सहभागिता रहेको छ ।
–गोल्डकपमा कतिको लगानी हुन्छ , अनि तपाईहरु कहाँ बाट यसको व्यवस्थापन गर्नुहुन्छ ?
गोल्ड कपमा ५३ लाख जतिको लगानी रहेको छ । आयोजक सदस्यहरु हामीहरु आफै केही लगानी गरेका छौं भने अरु वीरगंज वासी संग सहयोग लिएका छौं ।
–आर्थिक नगरी वीरगञ्जमा फुटबल प्रतियोगीता गराउन सहयोग त भईराख्या होला नी ?
वीरगंजका राजनितिक दल, उधोगि व्यवसायी, जनप्रतिनिधि, खेलाडी लगायतकाले सहयोग गरिरहेका छन ।
–प्रदेश २ को एक मात्र महानगर वीरगञ्ज कतिको सहयोग गरेको छ ?
वीरगंज महानगरपालिकाकाले प्रतियोगिताको लागि २५ हजार सहयोग गरेको छ । सिमरामा प्रतियोगिता हुदा जितपुर सिमरा उप महानगरपालिकाले ७ लाख सहयोग गरेका थिए तर हामी वीरगंजका मेयर साहेब संग सम्पर्क गर्दा मात्र २५ हजार सहयोग गर्नु भएको छ ।
–देशलाई चलाउन सक्ने क्षमता राखेको वीरगञ्ज फुटबल प्रतियोगीता प्रति कतिको माया गर्नेछन ?
वीरगंज बासी कै सहयोगले प्रतियोगिता भइरहेको छ । साथै सधैको लागि सहयोगका अपेक्षा राखेका छौं ।
–नारायणी रंगशालामा दर्शकहरुलाई कसरी व्यवस्थापन गर्नु हुन्छ ?
रंगशालाको उत्तर र दक्षिणको प्याराफिट जिर्ण अवस्थामा रहेकोले उत्तर र दक्षिण दर्शकलाई बसाउने व्यवस्था गरेका छौं । जिर्ण रहेको प्याराफिट तिर बांसले घेराउ गरेका छौं ।
–दर्शकहरुको उत्साह कतिको छ ?
वीरगंज वासीमा धेरै उत्साह छ । हामीलाई गाउँ गाउँबाट फोन आइरहेकोले उत्साह रहेको पाएका छौं ।
–गत बर्ष प्रबेश शुल्क कति थियो र यसपालि कति हुनेछ ?
गत बर्ष पनि रु ५० र रु १०० थियो र यस बर्ष पनि त्यतीकै राखेका छौं ।
–नारायणी रंगशालालाई प्रादेशिक रंगशाला बनाउन कुरा चलि रहदा तपाई यस बिषयमा के भन्नु हुन्छ ?
देश कै दोस्रो ठूलो रंगशला नारायणी रंगशाला हो । यो रंगशाला नै प्रादेशिक रंगशाला हुनु पर्छ । प्रादेशिक रंगशला बनाउन हामीले पनि सहयोग गर्ने छौं र गरेका पनि छौं ।
–प्रतियोगितामा पुरस्कार राशी के कस्तो रहेको छ ?
प्रतियोगिताको प्रथम विजेतालाई रु ५ लाख, दोस्रो हुनेलाई रु २ लाख ७७ हजार पुरस्कार रासी राखेका छौं भने मैन अफ द म्याच हुनेलाई रु ५ हजार देखी रु १० हजार सम्म पुरस्कार राखेका छौं ।
अन्तरवार्ताको पुरा भिडियो तल हेर्न सक्नु हुन्छ ।
[embedyt]www.youtube.com/watch?v=R0lG7H3LpUI[/embedyt]
