वीरगंज, २० पुस ।
वीरगञ्जको पिपरा स्थित चिनिमिल आवास क्षेत्र अगाडी रहेको किरण प्लाष्टिक उद्योगमा कार्यरत एक जना मजदुरको मृत्यु भएको छ । शुक्रबार विहान ७ बजे उद्योगमा कार्यरत वीरगञ्ज महानगरपालिका वडा नं.२४, रामगढवाकाका २१ बर्षीय रम्भु पटेलको मृत्यु भएको हो ।
- Advertisement -
उधोगमा प्लाष्टिकको दाना हाल्ने क्रममा मजदुर पटेलको सल पाटामा बेरिएर घटना स्थल मै मृत्यु भएको प्रहरीले जनाएको छ । पलाष्टिकको दाना हाल्ने क्रममा पटेलले लगाएको सल पाटामा बेरिएर घटनास्थलमै मृत्यु भएको पर्साका प्रहरी नायब उपरिक्षक मानबहादुर राईले जानकारी दिए ।
उद्योगमा कार्यरत पटेलको मृत्यु पश्चात उद्योगको उत्पादन बन्द भएको छ भने शवलाई पोष्टमार्टमका लागि वीरगञ्जको नारायणी उपक्षेत्रीय अस्पताल पठाईएको पर्साका प्रहरी नायब उपरिक्षक मानबहादुर राईले बताए ।
