पर्सा, १८ पुस ।
पर्साको सखुवाप्रसौनी गाउँपालिकाको वडा न.-३ सोलकपुरमा रहेको दलित मुक्ति प्राथमिक विधालयमा जाडोको लागि न्यानो लुगा वितरण गरिएको छ । दलित अधिकार समाज, पर्सा, नेपालको आयोजना र बाल हित सेवा समाज काठमाडौको सहयोगमा दलित बालबालिकालाई स्विटर, टाउजर, टोपी जस्ता लुगा वितरण गरिको दलित समाजिक अभियान्ता शिक्षक मनोज रामले वताए ।
दलित बालबालिकाको शिक्षामा पहुँच अभियान अन्तर्गत न्यानो कपडा वितरण गरिएको रामले जानकारी गराए । विद्यालयको बाल बिकास केन्द्र , कक्षा १,२,३,४,५ का ९९ दलित विद्यार्थी र तिनीहरुको अभिभावकहरुलाई न्यानो कपडा वितरण गरिएको उनले जानकारी गराए । दलित बालबालिकाको शिक्षामा पहुँच हुनको लागि सहयोग , दान मागेर पनि पर्सा जिल्लाभरको दलित बालबालिकाहरुलाई सहयोग गरिने रामले वताए ।
दलित समुदायको मुक्तिको लागि दलितको शिक्षामा पहुँच हुनु पर्ने सहयोगी दाता बिपि खनालले बताए । विद्यालयका प्र.अ. राधेश्याम रामले सहयोगि दातालाई धन्यवाद दिनुको साथै आगामी दिनमा यो विद्यालयको सुधार र दलितको शिक्षामा पहुँचको लागि सहयोग गर्न अनुरोध गरे।
