शम्भु कुमार सुमन/वीरगंज (पर्सा), १५ पुस ।
कुरिति विरुद्धको अभियान आइतबार पर्साको जगरनाथपुर गाउँपालिकामा सम्पन्न भएको छ । समुदाय–प्रहरी साझेदारी अन्तर्गत छिपहरमाई गाउँपालिकाबाट सुरु भएको बालबिवाह, लैंङ्गिक हिंसा, चोरी–पैठारी, लागु औषध, दाइजो प्रथा लगायतको कुरिति विरुद्धको अभियान दोस्रो चरणमा जगरनाथपुरमा सम्पन्न भएको हो । अभियान अन्तर्गत जगरनापुरमा भएको कार्यक्रममा सांस्कृतिक कार्यक्रमका साथै खुल्ला दिसामुक्त, बालविवाह, दाइजो प्रथा, लागु औषध लगायतको कुरिति सम्बन्धील चेतना मुलक नाटक समेत प्रदर्शन गरिएको थियो । नाटकको माध्यमले खुल्ला दिसा पिसाब नगर्न, वालविवाह नगर्न, दाइजो नलिन, चोरी–पैठारी नगर्न, लागु औषध सेवन नगर्न लागायतको सन्देश दिइएको थियो ।
कार्यक्रमलाई सम्बोद्धन गर्दै पर्साका प्रहरी उपरिक्षक (एस.पी.) रेवती ढकालले नेपाल प्रहरीले अपराध हुनै नदिन अभिप्रायले समुदाय–प्रहरी साझेदारी कार्यक्रम ल्याइएको वताए । कार्यक्रमका प्रमुख अतिथी समेत रहेका एस.पी. ढकालले सबै किसिमको सुरक्षा प्रदान गर्ने क्रममा अपराध नहोस, अपराध भइसके पछि अनुसन्धान मात्रै गरियोस र अपराध हुनै नदिन समुदाय प्रहरी साझेदारी कार्यक्रम ल्याइएको वताए ।
कार्यक्रमको समिक्षा गर्दै अभियानकी अभियान्ता एवं पोखरिया नगरपालिकाकी उप मेयर सलमा खातुनले छोरी जस्तै बुहारीलाई पनि अपनाउनु पर्ने वताइन । बुहारीलाई पनि छोरी जस्तै व्यहार गरे महिला हिंसामा कमि आउने खातुनको भनाई थियो । आफ्नो गाउँ, समुदायमा अपराधको घटना भएको अवस्थामा प्रहरीलाई खबर गरी सहयोग गर्न पनि खातुनले आग्रह गरिन ।
गाउँपालिका अध्यक्ष जालिम मियाँको अध्यक्षतामा भएको कार्यक्रममा, गाउँपालिकाकी उप प्रमुख बिसमिलाह खातुन, नेपाल पत्रकार महासंघ प्रदेश नं. २ का अध्यक्ष दिपेन्द्र चौहान, उपाध्यक्ष केसी लामिक्षाने, मनाव अधिकार निगरानी समुह, पर्साका अध्यक्ष तबरेज अहमद, गैसस महासंघ नेपाल, पर्साका अध्यक्ष छठु साह, समाजिक अभियान्ता प्रकाश थारु, सहयोगि संस्था पहलका अध्यक्ष दिलिप राज कार्की, सचिव दामोदर यादव लगायतकाको सहभागिता रहेको थियो ।
कार्यक्रममा स्वागत मन्तव्य प्रमुख प्रशासकिय अधिकृत राज कुशवाहाले गरेका थिए भने कार्यक्रमको संचालन संचारकर्मी माधुरी महतोले गरेकी थिइन । जिल्ला प्रहरी कार्यालय, पर्साका प्रमुख प्रहरी उपरिक्ष ढकालको अगुवाईमा संचालित अभियान पर्साको सबै स्थानिय तहमा संचालन हुने अभियानका विन्दु भुषण साहले वताए ।
