पर्सा, १५ पुस ।
शिक्षक महासंघ पर्साको निर्वाचनमा नेपाली काङ्ग्रेस निकट नेपाल शिक्षक संघ विजयी भएको छ । शनिबार राती अबेर सप्पन्न मतगणनाको नतिजा अनुसार महासंघको जिल्ला अध्यक्ष सहित १० वटा स्थानिय तहमा शिक्षक संघ विजयी भएको हो ।
पर्साको १४ स्थानिय तहमा १० वटामा नेपाली कांग्रेस निकट नेपाल शिक्षक संघ, ३ वटामा नेकपा निकट राष्ट्रिय शिक्षक संगठन र एक वटामा संघिय समाजवादी फोरम निकट संघिय शिक्षक फोरम विजयी भएकाे छ ।
वीरगंज मनपा सहित धाेविनी, जगरनाथपुर गापा पटेर्वासुगौली गापा, जिराभवानी गापा, ठोरी गापा, पकहा मैनपुर गापा, छिपहरमाई गाउँपालिका, पोखरिया नपा र पर्सागढी नपामा शिक्षक संघ, सखुवा प्रसौनी गापा, विन्दवासिनी गापा र बहुदरमाई नपामा शिक्षक संगठन र कालिकामाई गपामा शिक्षक फोरम विजयी भएकाे छ ।
श्रीपुर बिधापिठ मा.वि. वीरगंजमा शनिबार भएको मतदानको मतगणना राती नै भएको थियो । संघकाे तर्फबाट जिल्ला अध्यक्ष पदका लागि महासंघका निवर्तमान अध्यक्ष तिर्थराज यादव र प्रअ विनोध मेहता थिए ।
