वीरगन्ज,११ पुस ।
नेपाल विद्यार्थी संघ पर्साको बैठकमा बुधबार खुकुरी प्रहार हुँदा एक जना घाइते भएका छन् । वीरगंज, श्रीपुर स्थित रहेको नेपाली काङ्ग्रेस पर्साको पार्टी कार्यालयमा बसेको नेबि संघको बैठकमा विद्यार्थी नेताहरु विच भएको भनाभनको क्रममा एकासी खुकुरी प्रहार भएको हो ।
पर्साको सबै स्थानीय तहका प्रतिनिधि खटाउने विषयमा छ्लफल हुने क्रममा विवाद भएको थियो । बैठकमा नेबिसंघका कार्यकर्ता रोसन सिंह भनिने मुन्ना पटेलले खुकुरी प्रहार गर्दा ठाकुर राम बहुमुखी क्याम्पसका इकाई उपाध्यक्ष समीर अन्सारी घाइते भएको छन् ।
घाइते अन्सारी समान्य उपचार पछी घर फर्केको परिवारजनले जनाएका छन् । भोलि विहिबार २ बजे खुकुरी प्रहार सम्बन्धमा बैठक बसि छलफल गरेर कानुनी कारवाही गरिने सहमति पछि विवाद सुलझेको थियो ।
बैठकमा नेवि संघ सह महामन्त्री लक्षिम भक्त खनाल ,काङ्ग्रेस जिल्ला सचिव श्याम पटेल लगायतकाको उपस्थिति रहेको थियो । जिल्ला सभापतिको विषयमा केही समय पहिला देखि नै नेवि संघमा दुुई गुट भएको थियो ।