वीरगन्ज,११ पुस ।
पर्साको विन्दबासिनी गाउँपालिकाको वडा नं. २, बहुअर्वा भाठामा आज भएको सवारी दुर्घटनामा परि एक जनाको मृत्यु भएको छ भने एक जना घाइते भएका छ्न । सवारी दुर्घटनामा परि पोखरिया नगरपालिका वडा नं. ७, रानीगंज निवसी सैमुदिन अंसारीकी छोरी बर्ष १८ कि सविना खातुनको मृत्यु भएको प्रहरीले जनाएको छ ।
- Advertisement -
वीरगंजबाट पोखरिया तर्फ गइरहेको ना. २ ह. नम्बरको ई रिक्सा र पोखरियाबाट वीरगंज तर्फ आइरहेको ना. ६ ख. ७२८२ नम्बरको ट्रक एक आपसमा ठोकिदा दुर्घटना भएको सशस्त्र प्रहरी बेस क्याम्प बहुअर्वा भाठाका प्रहरी निरीक्षक मदन धानुकले वताए ।
सवारि दुर्घटनामा परि पटेर्वा सुगौली गा.पा. ६ निवासी झपसी दुसाद घाइते भएको प्रहरी निरीक्षक धानुकले वताए । घाइतेको नारायणी उपक्षेत्रिय अस्पताल वीरगंजमा उपचार भइरहेको छ ।
