पर्सा, १० पुस
पर्साको पटेर्वा सुगौली गाउँपालिकामा मंगलबार सामुदायिक विद्यालयको गुणस्तरिय शिक्षाको अवस्था बारे अन्तरक्रिया कार्यक्रम सम्पन्न भएको छ । दिव्य यूवा क्लव, पर्सा तथा एक्सन एड नेपालको सहकार्यमा पटेर्वा सुगौली गाउँपालिकामा संचालित स्थानीय अधिकार कार्यक्रम अन्तर्गत कार्यक्रम भएको थियो ।
क्लबका कार्यकारी निर्देशक रामाकान्त प्रसाद कुर्मीको अध्यक्षयता तथा पटेर्वा सुगौली गाउँपालिकाका अध्यक्ष हरिनारायण चौधरीको प्रमुख अतिथियमा कार्यक्रम सम्पन्न भएको हो । जसमा पटेर्वा सुगौली गाउँपालिकाकी उपाध्यक्ष ममता महतो चौधरी, वडा सदस्यहरु तथा पटेर्वा सुगौली गाँउपालिका अन्तर्गतका सामुदायिक विद्यालयका प्रअहरुको सहभागिता रहेको थियो ।
कार्यक्रममा गुण्स्तरिय शिक्षाका आधारभूत १० वटा अधिकारको बारेमा कार्य पत्र राजेश यादवले प्रस्तुत गरेका थिए । कार्यक्रममा बोल्दै अध्यक्ष चौधरीले पटेर्वा सुगौली गाउँपालिका अन्तर्गत आएको शिक्षाको समस्यालाई शिक्षाको निति भित्र ल्याई छिटो समाधान गर्नेे प्रतिबद्धता गरे ।
कार्यक्रमको सहजीकरण क्लबकी कार्यक्रम संयोजक कोपिला चौलागाई साहले गरेकी थिइन । यस्तै सोमबार पटेर्वा सेगौली गाँउपालिकामा मै किशोरी समुहका सदसयहरुको लागि संचालित ३ दिने नेतृत्व विकास सम्बन्धि तालिमको सम्पन्न भएको क्लबका कार्यकारी निर्देशक रामाकान्त प्रसाद कुर्मीले वताए ।
