पर्सा, ९ पुस ।
प्रारम्भिक कक्षाका बालबालिकाहरुको पठनपाठन सिप प्रवद्धनका लागि वीरगंजमा ३ दिने पैरवी तथा क्षमता विकास कार्यशाला सोमबार सुरु भएको छ । जिल्ला प्रशासन कार्यालय, शिक्षा विकास तथा समन्वय इकाइ, पर्साको आयोजनामा राष्ट्रिय प्रारम्भिक कक्षा पढाइ कार्यक्रम अन्तर्गत भिस्वा होटल वीरगंजमा कार्यशाला सुरु भएको हो ।
कार्यशालाको जिल्ला समन्वय समिति, पर्साका सह संयोजक ठाकुर न्यौपाने उदघाटन गर्नु भएको थियो । उदघाटन समाहरोहमा वोल्दै सह संयोजक न्यौपानेले कार्यक्रमबाट बालबालिकाहरुको पठनपाठन सिप प्रवद्धन हुने वताए ।
शिक्षा विकास तथा समन्वय इकाइका संयोजक कृष्ण प्रसाद सिंगदेलको अध्यक्षतामा भएको कार्यशालाको उदघाटनमा वीरगंज महानगरपालिकाका शिक्षा महाशाखा प्रमुख अरविन्दलाल कर्ण, ईजिआरपी केन्द्रिय कार्यालयका उदय कार्की, राष्ट्रिय प्रारम्भिक कक्षा पढाई कार्यक्रमका जिम्मेवार व्यक्ति हरि प्रसाद कुर्मी लगायतकाले मन्तव्य राखेका थिए ।
कार्यशालामा पर्साका स्थानिय तहका प्रमुख प्रशासकिय अधिकृत, शिक्षा शाखा प्रमुख, गैसस महासंघका प्रतिनिधि लगायतको सहभागिता रहेको छ ।
