वीरगंज, ५ पौष ।
पटेर्वा सुगौली गाउँपालिकाका न्यायिक समितिका मेलमिलापकर्ताहरुको लागि मेलमिलाप सम्बन्धि ८ दिने तालिम बिहिवार देखी परवानीपुरमा सुरु भएको छ । मानव अधिकार तथा सामुदायिक विकास प्रतिष्ठान नेपाल पर्साको प्राविधिक सहयोगमा र पटेर्वा सुगौली गाउँ कार्यपालिका कार्यालयको आयोजनामा कृषि अनुसन्धान केन्द्र परवानीपुरमा तालिम सुरु भएको हो ।
तालिमको एक कार्यक्रमका विच पटेर्वा सुगौली गाउँपालिकाकी उप प्रमुख तथा न्यायिक समितिकी संयोजक ममता महतोले ब्यानर पढेर उदघाटन गरिन । न्यायिक समितिको कामकाज र मेलमिलापमा सहजता हुने उद्देश्यले तालिम आयोजना गरिएको प्रमुख प्रशासकिय अधिकृत सरोज कुमार चौधरीले वताए ।
८ दिन सम्म चल्ने तालिममा प्रतिष्ठानका पर्सा संयोजक हरेराम ठाकुर र अधिवक्ता हरेराम सरार्फले प्रशिक्षण दिइरहेका छन । तालिममा गाउँपालिका स्तरिय न्यायिक समितिका पदाधिकारी, वडा स्तरिय मेलमिलापकर्ता, वडाध्यक्ष लगायत ३० जनाको सहभागिता रहेको प्रष्ठिानका राजेश गुप्ताले वताए ।
