वीरगंज, ५ पौष ।
वीरगंजको रेलवे सडकमा अतिक्रमण गरि बनाईएका घर टहराहरु व्यवस्थित वीरगन्ज अभियानले भत्काउन थालेको छ । बिहिबार बिहान देखि व्यवस्थित वीरगञ्ज अभियानले महानगरपालिका कार्यालयको सहकार्यमा रेलवे सडकमा अतिक्रमण गरि बनाईएका घर टहराहरु भत्काउने काम शुरु गरेको हो ।
यस अघि पनि पटक पटक अतिक्रमण गरिएका घर टहराहरु भत्काउन सूचना जारी गरिएको र पटक पटक आग्रह गर्दा समेत अटेर गरी नहटाएका संरचना र घर टहराहरु भत्काउन थालिएको महानगरपालिकाले जनाएको छ ।
वीरगञ्जलाई सफा, स्वच्छ र व्यवस्थित बनाउने अभियान अन्तर्गत मुख्य सडक तथा भित्री सडकहरुमा अतिक्रमण गरी बनाईएका घर टहरा, सडकमा जथाभावी राखिएका निर्माण सामग्री, ठेला, पसल हटाउने कामलाई निरन्तरता दिईएको ब्यवस्थित अभियानका दिलिप राज कार्कीले जानकारी दिए ।
