वीरगंज, २ पुस ।
कर्मचारी समायोजनको बिरोधमा पर्साका स्थानिय तहका कर्मचारीहरु पनि आन्दोलित भएका छन । स्थानिय तह ट्रेड युनियन संयुक्त आन्दोलन परिचालन समितिको पुर्व घोषित आन्दोलनको कार्यक्रम अन्तर्गत सोमबार पर्साका स्थानिय तहका कर्मचारीहरु पनि धर्ना बसेका छन । पर्साका वीरगंज महानगर कार्यपालिका कार्यालय, पोखरिया नगर कार्यपालिका कार्यालय, विन्दवासिनी गाउँ कार्यपालिका कार्यालय लगायतका स्थानिय तहका कर्मचारीहरु आ आफ्नो स्थानिय तह अगाडी २ घण्टा धर्ना बसेका छन ।
कार्यालयको कामकाज थप पार्ने गरी कर्मचारीहरु कार्यालयको मुल गेटमा कार्यालय समय विहान १० बजे देखी १२ बजे सम्म धर्ना बसेका थिए । पोखरिया नगरपालिका ट्रेड युनियनका अध्यक्ष राजेशवर प्रसाद कुर्मीको अगुवाईमा पोखरिया नगर कार्यपालिका कार्यालय अगाडी कर्मचारीहरु धर्ना बसेका थिए । सो धर्ना कार्यक्रममा धर्मराज थापा, संजय पाण्डे, बैधनाथ चौधरी लगायत स्थानिय तहका सम्पूर्ण कर्मचारीहरुको सहभागिता रहेको थियो ।
निजामती कर्मचारी सरह ग्रेड थप गर्नु पर्ने, तह बढुवा हुनु पर्ने, कर्मचारी समायोजन गर्दा रोजेको स्थानिय तह पाउनु पर्ने लगायतका मांग राख्दै स्थानिय तहका कर्मचारीहरु आन्दोलित भएका हुन । यस्तै मंगलबार पनि आन्दोलनको कार्यक्रम अन्तर्गत २ घण्टा पेन डाउनको कार्यक्रम रहेको अध्यक्ष कुर्मीले जानकारी गराए ।
यता बिन्दवासिनी गाउँ कार्यपालिका कार्यालय अगाडी पनि कर्मचारीहरु धर्ना बसेका थिए । कार्यालयको मुल गेटमा तालाबन्दी गरी कर्मचारीहरु १० बजे देखी १२ बजे सम्म धर्ना बसेको कर्मचारी रमेन्द्रनाथ तिवारीले जानकारी दिए । कर्मचारी समायोजनको विरोधमा स्थानिय तह ट्रेड युनियन संयुक्त आन्दोलन परिचालन समितिको पूर्व घोषित आन्दोलनको कार्यक्रम अन्तर्गत धर्ना बसिएको तिवारीले वताए ।
यस्तै वीरगंज महानगरपालिका लगायत अन्य स्थानिय तह अगाडी पनि कर्मचारीहरु धर्ना बसेका थिए ।
